អត្ថបទពាណិជ្ជកម្ម
Prestige Homes (Cambodia) ដែលជាក្រុមហ៊ុនអចលនវត្ថុថ្មីមួយ បើកសម្ពោធជាផ្លូវការនៅកម្ពុជា
× ក្រុមហ៊ុន Prestige Homes (Cambodia) ជាក្រុមហ៊ុនអចលនវត្ថុថ្មីជាងគេ និងដែលកំពុងទទួលបានការគាំទ្រយ៉ាងខ្លាំងពីវិនិយោគិន បានបើកដំណើរការក្រុមហ៊ុនជាផ្លូវការ នៅកម្ពុជា។ កម្មវិធីនេះ ត្រូវបានរៀបចំឡើង នៅរសៀលថ្ងៃទី២៩ ខែមេសា ឆ្នាំ២០១៩ នាអគារ Golden Tower។ នាពិធីដ៏អធិកអធមនេះ មានការអញ្ជើញចូលរួមពីលោក Dr. Raymond Choi អគ្គនាយក និងលោក Andrew Chong នាយកប្រតិបត្តិរបស់ក្រុមហ៊ុន Prestige Homes (Cambodia) ខណៈដែល DJ NaNa ជាពិធីការិនីក្នុងកម្មវិធីនេះ។ កម្មវិធីនេះ បានចាប់ផ្តើមដោយការាំរបាំជូនពររបស់ក្រុមសម្ដែង កុមារកំព្រា មកពី«អង្គការផ្ទះបាយកុមារ (LRDE: Le Restaurant des Enfants de la Rue)។ កាន់តែពិសេស វត្តមានរបស់កំពូលតារាចម្រៀង ដែលមានប្រជាប្រិយភាព អ្នកនាង សុគន្ធ នីសា បានញ៉ាំងឲ្យកម្មវិធីកាន់តែមានភាពសប្បាយរីករាយ។
លោក Dr. Raymond បានថ្លែងទៅកាន់អ្នកចូលរួម ជាង៤០០នាក់ នាឱកាសនោះថា ការផ្តល់សេវាកម្មអចលនវត្តុ ដែលប្រកបដោយវិជ្ជាជីវៈ មិនទាន់អាចបំពេញតម្រូវការ របស់ទីផ្សារអចលនវត្ថុនៅកម្ពុជាបាននៅឡើយ ដូច្នេះហើយទើបលោកសម្រចចិត្ត បង្កើតនូវក្រុមហ៊ុន Prestige Homes (Cambodia) នេះ ដើម្បីឆ្លើយតបទៅនឹងតម្រូវការរបស់អតិថិជន និងទីផ្សារអចលនវត្ថុក្នុងប្រទេសកម្ពុជា។
បើតាមលោក Raymond ក្រុមហ៊ុន Prestige Homes (Cambodia) គឺជាក្រុមហ៊ុនអចលនវត្ថុដែលអាចផ្តល់ជូនអតិថិជននូវគេហដ្ឋានក្នុងក្ដីសុបិន ការិយាល័យទំនើបទាន់សម័យ និងដីដែលមានទីតាំងល្អប្រសើរ ដោយមានការសហការ ពីដៃគូរអចលនវត្ថុធំៗ និងមានកិត្តិនាមល្អៗជាច្រើន។ លោក Raymond បន្តថា៖ «បុគ្គលិករបស់ Prestige Homes (Cambodia) ដែលប្រកបដោយជំនាញវិជ្ជាជីវៈ និងបានបំពាក់បំប៉នដោយអ្នកនាំមុខ និងដៃគូឆ្នើម ក្នុងឧស្សាហកម្មអចលនវត្ថុ តួយ៉ាងដូចជា Urban Village រង់ចាំបំពេញនូវតម្រូវការរបស់អតិថិជន ដោយភាពកក់ក្តៅបំផុត។ ក្រុមហ៊ុនព្យាយាមផ្តល់ជូនអតិថិជន នូវបទដ្ឋាននៃឧស្សាហកម្ម អចលនវត្ថុមិនដែលមាន និងលើសពីការរំពឹងទុកគ្រប់ពេលវេលា»។
គួរបញ្ជាក់ផងដែរថា Prestige Homes (Cambodia) ត្រូវបានបង្កើតឡើង ដើម្បីភាពអស្ចារ្យ របស់ខ្លួន ជាមួយនឹងគោលបំណងច្បាស់លាស់ ក្នុងការផ្តល់នូវអចលនវត្ថុល្អប្រណិត និងសេវាកម្មល្អ គ្មានគូប្រជែងបាន។ មិនត្រឹមតែប៉ុណ្ណោះ ក្រុមហ៊ុន Prestige Homes (Cambodia) ក៏នឹងធានាឲ្យបាន នូវការបំពេញតម្រូវការ និងសន្សំសំចៃពេលវេលាបានច្រើន ជាមួយនឹងធនធានសម្បូរបែប នៃអ្នកជំនាញ បណ្តាញ និងបទពិសោធន៍ជាច្រើន ពីទីផ្សារអចលនវត្ថុ ទាំងក្នុងស្រុក និងអន្តរជាតិ។ ក្រុមហ៊ុន ឆ្លើយតបគ្រប់តម្រូវការអចលនវត្ថុរបស់អតិថិជន វិភាគ គ្រប់គ្រង លក់ ឬជួល ដោយអ្នកជំនាញវិជ្ជាជីវៈច្បាស់លាស់ និងបទពិសោធន៍ខ្ពស់ ជាមួយនឹងតម្លៃល្អ ប្រសិទ្ធភាពខ្ពស់ ដោយមិនខ្ជះខ្ជាយពេលវេលារបស់អតិថិជន។
សម្រាប់ព័ត៌មានបន្ថែមរបស់ ក្រុមហ៊ុន Prestige Homes (Cambodia) សូមចូលទៅក្នុង គេហទំព័រ
www.prestigehomeskh.com ឬធ្វើការទំនាក់ទំនងផ្ទាល់មកកាន់លេខ៖០២៣ ៨៨៨ ៨០៧។ បុគ្គលិកយើងខ្ញុំរីករាយ និងស្វាគមទទួលទូរសព្ទរបស់លោកអ្នកដោយក្តីរីករាយបំផុត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com