ពីនេះ ពីនោះ
ព័ត៍មានសុខភាព
ប្រយ័ត្ន! អ្នកមានបញ្ហាថង់ទឹកប្រមាត់ កុំទទួលទានអាហារ និងភេសជ្ជៈទាំងនេះច្រើនពេក
×![]()
ដោយ: ថ្មីៗ
ប្រមាត់គឺជាសរីរាង្គតូចមួយ ដែលស្ថិតនៅខាងក្រោមថ្លើម។ ប្រមាត់មានតួនាទីសំខាន់ក្នុងការស្តុក និងបញ្ចេញទឹកប្រមាត់ ចូលទៅក្នុងពោះវៀនដើម្បីជួយក្នុងដំណើរការរំលាយអាហារ ។ ហើយទឹកប្រមាត់ជាសារធាតុរាវម្យ៉ាងដែលផលិតដោយថ្លើម។ ការយល់ដឹងពីប្រភេទនៃអាហារដែលគួរ និងមិនគួរទទួលទាន គឺសំខាន់ណាស់ សម្រាប់អ្នកដែលកំពុងជួបប្រទះបញ្ហាថង់ទឹកប្រមាត់ ដូចជាជំងឺក្រួសក្នុងប្រមាត់ដើម្បីជៀសវាង ឬទប់ស្កាត់ផលវិបាកធ្ងន់ធ្ងរកើតឡើង។ របបអាហារត្រឹមត្រូវក៏ចាំបាច់ដូចគ្នាសម្រាប់អ្នកដែលចង់រក្សាបាននូវសុខភាពថង់ទឹកប្រមាត់ល្អប្រសើរ។ 
ថ្ងៃនេះយើង នឹងបង្ហាញឲ្យដឹងពីអាហារដែលអ្នកគួរជៀសវាង ឬកុំទទួលច្រើនពេកដើម្បីបង្ការបញ្ហាថង់ទឹកប្រមាត់កាត់តែធ្ងន់ធ្ងរ ៖
ថ្ងៃនេះយើង នឹងបង្ហាញឲ្យដឹងពីអាហារដែលអ្នកគួរជៀសវាង ឬកុំទទួលច្រើនពេកដើម្បីបង្ការបញ្ហាថង់ទឹកប្រមាត់កាត់តែធ្ងន់ធ្ងរ ៖
១. អាហារដុត
អាហារប្រភេទដុតភាគច្រើនមានផ្ទុកសម្បូរទៅដោយជាតិខ្លាញ់មិនល្អដែលអាចធ្វើឲ្យស្ថានភាពនៃបញ្ហាកាន់តែអាក្រក់ឡើង។ ប្រមាត់ដែលមានបញ្ហាមិនអាចដំណើរការរំលាយ ឬបំលែងជាតិខ្លាញ់បានត្រឹមត្រូវឡើយ ហើយវានឹងបង្កការឈឺចាប់ រួមជាមួយភាពមិនស្រួល។ ដូច្នេះដើម្បីជាការប្រសើរអ្នកមានបញ្ហាថង់ទឹកប្រមាត់ ដូចជាក្រួសក្នុងប្រមាត់ គួរជៀសវាងអាហារដុតគ្រប់ប្រភេទតែម្ដង ឬជ្រើសរើសទទួលទានអាហារដុតណាមួយដែលមានផ្ទុកជាតិខ្លាញ់ទាប។
២. កាហ្វេ
ការទទួលទានកាហ្វេច្រើនពេក គឺជាមូលហេតុចម្បងបំផុតមួយនៃបញ្ហាថង់ទឹកប្រមាត់។ ដូច្នេះសម្រាប់អ្នកដែលមានបញ្ហាក្រួសក្នុងប្រមាត់មិនគួរទទួលទានកាហ្វេឡើយ។
៣. អាហារផ្សំឡើងពីទឹកដោះគោមានជាតិខ្លាញ់ខ្ពស់
ថង់ទឹកប្រមាត់ទទួលខុសត្រូវក្នុងការបញ្ចេញ និងរក្សាទុកទឹកប្រមាត់ដើម្បីសម្រួលដល់ដំណើរការរំលាយអាហារ។ ហើយសម្រាប់អ្នកដែលមានបញ្ហាថង់ទឹកប្រមាត់នោះ ភាគច្រើនជួបការពិបាកក្នុងការបំបែករំលាយអាហារ ជាពិសេសអាហារដែលមានផ្ទុកជាតិខ្លាញ់ខ្ពស់។ ជាលទ្ធផលពួកគេអាចនឹងទទួលរងឈឺចាប់រមួលក្នុងពោះ ឬក្អួត។ ដូច្នេះប្រសិនបើអ្នកមានបញ្ហាទាក់ទងនឹងថង់ប្រមាត់ ចូរជៀសវាងការទទួលទានផលិតផលអាហារផ្សំឡើងពីទឹកដោះគោមានជាតិខ្លាញ់ខ្ពស់ រួមបញ្ចូលទាំងការ៉េម, ឈីស, យ៉ាអួរ និងខ្លាញ់ទឹកដោះគោ។
៤. សាច់មានជាតិខ្លាញ់ខ្ពស់
ប្រសិនបើអ្នកកំពុងទទួលរងការឈឺចាប់ និងអារម្មណ៍មិនស្រួលដោយសារតែឥទ្ធិពលនៃបញ្ហាថង់ទឹកប្រមាត់ ដូចជា ជំងឺក្រួសក្នុងប្រមាត់ នោះដើម្បីជាការប្រសើរ អ្នកគួរជៀសឲ្យផុតពីសាច់ និងអាហារប្រភេទណាដែលមានផ្ទុកជាតិខ្លាញ់ខ្ពស់ ខណៈដែលប្រមាត់ដែលមានបញ្ហាមិនអាចដំណើរការរំលាយ ឬបំលែងជាតិខ្លាញ់បានត្រឹមត្រូវឡើយ។
៥. អាហារចៀនបំពងគ្រប់ប្រភេទ
អ្នកមានបញ្ហាពាក់ព័ន្ធនឹងថង់ទឹកប្រមាត់ គួរជៀសឲ្យផុតពីការទទួលទានអាហារមានផ្ទុកជាតិខ្លាញ់ខ្ពស់ រួមបញ្ចូលទាំងអាហារចៀន ឬបំពង។ នោះក៏ព្រោះតែថង់ទឹកប្រមាត់មានបញ្ហាមិនអាចមានសមត្ថភាពសម្រួលដល់ដំណើរការរំលាយជាតិខ្លាញ់បានត្រឹមត្រូវដែលអាចបង្កការឈឺចាប់ និងធ្វើឲ្យស្ថានភាពកាន់តែអាក្រក់ឡើង។
៦. ស្ករ
អាហារមានផ្ទុកជាតិកាបូអ៊ីដ្រាត និងស្ករចម្រាញ់ គឺផ្សារភ្ជាប់ជាមួយការកើនឡើងនូវជាតិកូឡេស្តេរ៉ូលក្នុងទឹកប្រមាត់ដែលនឹងបង្កើនហានិភ័យនៃជំងឺក្រួសក្នុងតម្រងនោម រួមទាំងជំងឺមហារីកថង់ទឹកប្រមាត់គួរឲ្យព្រួយបារម្ភ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
