អត្ថបទពាណិជ្ជកម្ម
ក្រុមហ៊ុន សាមសុង ផ្លាស់ប្តូរការវេចខ្ចប់ និងផ្នែកជាច្រើនលើគ្រប់ផលិតផល ដើម្បីជួយការពារ បរិស្ថាន
×![]()
ដោយ: ថ្មីៗ
ភ្នំពេញ ថ្ងៃទី៣ ខែឧសភា ឆ្នាំ២០១៩៖ ដើម្បីចូលរួមចំណែកជួយដល់បរិស្ថាន និងការពារសុខភាពអ្នកប្រើប្រាស់ទាំងអស់ នៅទូទាំងពិភពលោក ក្រុមហ៊ុនអេឡិចត្រូនិកយក្ស សាមសុង បានកាត់បន្ថយការប្រើប្រាស់ប្លាស្ទិក នៅក្នុងការវេចខ្ចប់ផលិតផលរបស់ខ្លួន ក៏ដូចជាកាត់បន្ថយនៅផ្នែកផ្សេងទៀតដែរ។ ជាក់ស្តែងស្ទើរតែគ្រប់ផ្នែក នៃគ្រឿងក្នុងប្រអប់របស់កំពូលស្មាតហ្វូន Samsung Galaxy S10 ផ្ទាល់គឺជាវត្ថុធាតុដើម ដែលបានមកពីការកែច្នៃសំណល់ប្លាស្ទិកទាំងអស់។
ជាការកត់សម្គាល់ ត្រឹមពាក់កណ្តាលឆ្នាំ ២០១៩នេះ គ្រប់ផលិតផល និងឧបករណ៍បន្ទាប់បន្សំរបស់ សាមសុង ទាំងអស់ដូចជា ស្មាតហ្វូន ឆ្នាំងសាក ថេបប្លែត (Tablets) និងប្លាស្ទិកស្រោបគ្រឿងអេឡិចត្រូនិកប្រើប្រាស់ក្នុងគេហដ្ឋានទាំងអស់ នឹងត្រូវជំនួសដោយការប្រើប្រាស់វត្ថុធាតុដើម ដែលមិនប៉ះពាល់ដល់បរិស្ថាន និងផែនដីឡើយ។
ជាមួយនឹងការប្តេជ្ញាចិត្ត ក៏ដូចជាគោលការណ៍ការពារបរិស្ថាននេះ ក្រុមហ៊ុន សាមសុង នឹងប្រើប្រាស់ឡើងវិញ នូវសំណល់ប្លាស្ទិកចំនួន 500,000 តោន ត្រឹមឆ្នាំ 2030 និងប្រមូលផលិតផល ប្លាស្ទិកដែលគេបោះចោល ប្រមាណជាង 7.5 លានតោន ដើម្បីយកមកផលិត និងប្រើប្រាស់ឡើងវិញ។
ទាំងអស់នេះហើយ គឺជាចំណុចដ៏ពិសេសបំផុត ដែលធ្វើឱ្យគ្រប់ផលិតផលរបស់ សាមសុង ទទួលបានការកោតសរសើរ និងស្រឡាញ់គាំទ្រច្រើន ជុំវិញពិភពលោក ដោយក្រុមហ៊ុនមិនគ្រាន់តែផ្តោតលើគុណភាព និងបំពេញតាមតម្រូវការរបស់អតិថិជនប៉ុណ្ណោះនោះទេ តែក្រុមហ៊ុនថែមទាំងគិតគូរ ដល់សុខភាពរបស់អ្នកប្រើប្រាស់របស់ខ្លួនទាំងអស់ ក៏ដូចជាយកចិត្តទុកដាក់ខ្ពស់បំផុតចំពោះកិច្ចការពារបរិស្ថានផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
