ជាតិ
២៥ខេត្ត/រាជធានី
ចាស់ៗជនជាតិគ្រឹង នៅតែរាប់អាយុតាមការធ្វើចម្ការវិលជុំ!
× រតនគិរី៖ មនុស្សចាស់ជនជាតិដើមភាគតិចគ្រឹង នៅភូមិល្អក់នៃស្រុកអូរជុំ នៅតែបន្តចំណាំអាយុរបស់ខ្លួនដោយរាប់ទៅតាមការធ្វើចម្ការវិលជុំដដែល ខណៈពេលដែលក្មេងៗជនជាតិដើមបច្ចុប្បន្ន រាប់អាយុតាមប្រតិទិនដូចពលរដ្ឋខ្មែរទូទៅ។ ការរាប់អាយុតាមចម្ការវិលជុំនេះ ជាទំនៀមទម្លាប់ពីដូនតាគ្រឹងដែលពួកគាត់សម្គាល់ថា ពេលធ្វើចម្ការបានមួយជុំដែលមានរយៈពេលមួយឆ្នាំ នោះមានន័យថា អាយុរបស់គាត់កើនឡើងមួយឆ្នាំ។
សូមអញ្ជើញទស្សនាវីដេអូខ្លីពីសកម្មភាពចាស់ៗជនជាតិដើមភាគតិចគ្រឹងរាប់អាយុរបស់គាត់ ដូចខាងក្រោមនេះ៖
បុរសវ័យជាង៤០ឆ្នាំ បៀន យ៉ែម ជាជនជាតិដើមភាគតិចគ្រឹងរស់នៅភូមិល្អករ ឃុំល្អករ ស្រុកអូរជុំ ខេត្តរតនគិរី និងជាក្រុមប្រឹក្សាឃុំល្អករ ធ្លាប់បានប្រាប់សារព័ត៌មានថ្មីៗកាលពីចុងឆ្នាំ២០១៨ ថា កាលពីជំនាន់មុន ជនជាតិដើមភាគតិចគ្រឹង មិនដឹងថាកើតនៅឆ្នាំណានោះទេ ដូច្នេះ ពួកគាត់រាប់អាយុតាមការធ្វើចម្ការវិលជុំ ដើម្បីស្រួលចំណាំ។ ទម្លាប់នេះបានបន្សល់ដល់ចាស់ៗនាពេលបច្ចុប្បន្ន ដែលពួគកាត់នៅតែបន្តរាប់អាយុតាមការធ្វើចម្ការវិលជុំដដែល លើកលែងតែក្មេងៗទេ ដែលមិនរាប់តាមក្បួនមនុស្សចាស់ ពោលគឺគេរាប់សម្គាល់តាមប្រតិទិន។
(លោក បៀន យ៉ែម ក្រុមប្រឹក្សាឃុំល្អករ ស្រុកអូរជុំ ខេត្តរតនគិរី ឈរនៅកណ្តាល)
Tag:
ជនជាតិដើមភាគតិចគ្រឹង
រតនគិរី
Mercedes-Benz និងកំណប់អាថ៌កំបាំង
© រក្សាសិទ្ធិដោយ thmeythmey.com