ជាតិ
សេដ្ឋកិច្ច
រដ្ឋមន្ត្រីសេដ្ឋកិច្ច ណែនាំពន្ធដារឱ្យលើកលែងពន្ធលើប្រាក់បំណាច់អតីតភាពការងារកម្មករខ្មែរក្នុងវិស័យកាត់ដេរ លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
× ភ្នំពេញ៖ ប្រាក់រម្លឹក-ប្រាក់បំណាច់អតីតភាពការងារ និងប្រាក់បំណាច់អតីតភាពការងាររបស់កម្មករនិយោជិកខ្មែរ ក្នុងផ្នែកវាយនភណ្ឌកាត់ដេរ-ស្បែកជើងនិងផ្នែកផ្សេងទៀត មិនគិតចូលក្នុងការមូលដ្ឋានគិតពន្ធឡើយ។ នេះបើយោងតាមសារាចរណែនាំរបស់ក្រសួងសេដ្ឋកិច្ច និងហិរញ្ញវត្ថុ ទៅកាន់អគ្គនាយកពន្ធដារ កាលពីខែមេសា ឆ្នាំ២០១៩។
ក្រៅពីការលើកលែងពន្ធខាងលើ លោក អូនព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច ក៏បានណែនាឱ្យអគ្គដ្ឋានពន្ធដារ អនុញ្ញាតជាចំណាយអាចកាត់កងបានសម្រាប់គោលដៅនៃពន្ធលើប្រាក់ចំណូលក្នុងឆ្នាំជាប់ពន្ធចរន្ត ចំពោះការចំណាយរបស់សហគ្រាសលើការទូទាត់ប្រាក់ចំណាច់អតីតភាពការងារចាប់ពីឆ្នាំ២០១៩ និងប្រាក់រម្លឹកប្រាក់ចំណាច់អតីតភាពការងារដែលមានមុខឆ្នាំ២០១៩តទៅមុខ។ ក្រៅពីការលើកលែងពន្ធនេះ ដល់និយោជិក អគ្គនាយកដ្ឋានពន្ធដារក៏បានលើកលែងពន្ធអាការបន្ថែមលើរបស់ក្រុមហ៊ុនឯកជន ដែលបង្កើតសេវារកការងារធ្វើ បណ្តុះបណ្តាល បញ្ជូនទៅធ្វើការងារនៅបរទេស។
ការលើកលែងពន្ធនេះ គឺធ្វើឡើងដើម្បីរួមចំណែកក្នុងការលើកកម្ពស់ជីវភាពរស់នៅរបស់កម្មករដែលជានិយោជិតខ្មែរដែលធ្វើការនៅតាមសហគ្រាសនានា និងដើម្បីកាត់បន្ថយបន្ទុកចំណាយរបស់ពលករទេសន្តរប្រវេសន៍ខ្មែរ។ លើសពីនេះ ជួយពង្រីកទីផ្សារការងារនៅក្រៅប្រទេស និងលើកកម្ពស់ការបណ្តុះបណ្តាលជំនាញដល់ពលករខ្មែរ។ បើតាមសារាចរខាងលើដដែល៕
© រក្សាសិទ្ធិដោយ thmeythmey.com