វិទ្យាសាស្រ្ត និង បច្ចេកវិទ្យា
អន្តរជាតិ
×![]()
ដោយ: គី ចំណា
អ្នកខ្លះមានការយល់ច្រលំរវាងសត្វក្រពើជាមួយនឹងសត្វក្រពា។ នេះមិនមែនជាកំហុសរបស់អ្នកទាំងស្រុងទេ ពីព្រោះសត្វទាំងពីរប្រភេទពិតជាមានរូបរាងស្រដៀងគ្នាមែន។ អ្នកខ្លះទៀតមិនបានចាប់អារម្មណ៍ថា វាជាសត្វពីរប្រភេទផ្សេងគ្នាឡើយ។ 
គេហទំព័រ livescience.com បានពន្យល់យ៉ាងងាយថា សត្វក្រពា (Alligator) មានប្រវែងមាត់រាងជាអក្សរ U ចំណែកឯសត្វក្រពើ (Crocodile) មានប្រវែងមាត់រាងជាអក្សរ V ។
មួយវិញទៀត នៅពេលដែលសត្វក្រពើបិទមាត់របស់វា ធ្មេញស្រួចៗទាំងប៉ុន្មាននោះលានចេញមកក្រៅ ងាយស្រួលក្នុងការពិនិត្យមើល។
ឯកសារដដែលនេះបានបញ្ជាក់បន្ថែមថា ក្រពាពេលបិទមាត់ ធ្មេញរបស់វាមិនចេញមកក្រៅនោះទេ។ ក្រពើភាគច្រើនរស់នៅក្បែរតំបន់ទឹកប្រៃ ឯក្រពាភាគច្រើនរស់នៅតាមតំបន់ទឹកសាប។
អ្នកវិទ្យាសាស្ត្រចាត់ទុកពួកវាក្នុងក្រុមពពួកសត្វ Eusuchia ដែលជាក្រុមពពួកសត្វបង្គួយធំៗ មាន២២ប្រភេទ។ វាមានដើមកំណើតក្នុងសម័យ«ក្រេតាសេ»ប្រមាណជា១០០លានឆ្នាំមុន។
© រក្សាសិទ្ធិដោយ thmeythmey.com
