ជាតិ
សង្គមជាតិ
មេប៉ូលិស ស្នើឲ្យវិនិយោគចិននៅកម្ពុជា ត្រូវស្គាល់ពីទំនៀមទម្លាប់ និងច្បាប់កម្ពុជា
រូបភាពពីអគ្គស្នងការដ្ឋាននគរបាលជាតិ
×![]()
ដោយ: ថ្មីៗ
ភ្នំពេញ៖ អគ្គស្នងការដ្ឋាននគរបាលជាតិ ស្នើឲ្យអ្នកវិនិយោគចិន ដែលមកបោះទុនរកស៊ីនៅកម្ពុជា ត្រូវយល់ពីទំនៀមទម្លាប់កម្ពុជា ជាពិសេសអនុវត្តតាមច្បាប់ឲ្យបានត្រឹមត្រូវ។ ការលើកឡើងរបស់មេប៉ូលិសបែបនេះ ធ្វើឡើងនៅក្នុងពិធីប្រគល់-ទទួលម៉ូតូចំនួន១០០គ្រឿង ពីក្រុមហ៊ុនចិន។នេះបើតាមអគ្គស្នងការដ្ឋាននគរបាលជាតិចេញផ្សាយនៅថ្ងៃទី២ឧសភា។
លោក នេត សាវឿន អគ្គស្នងការនគរបាលជាតិ បានថ្លែងទៅកាន់ក្រុមហ៊ុនចិនទាំង៣ ដែលផ្ដល់ជំនួយម៉ូតូ១០០គ្រឿងនេះថា អាជ្ញាធរនឹងការពារអនុវត្តច្បាប់ ដល់អ្នកវិនិយោគ អ្នកទេសចរ និងប្រជាពលរដ្ឋបរទេសទាំងអស់ ប៉ុន្តែពួកគេក៏ត្រូវគោរពច្បាប់កម្ពុជាឲ្យបានត្រឹមត្រូវផងដែរ។ អគ្គស្នងការនគរបាលជាតិរូបនេះ បាននិយាយដូច្នេះថា៖«អប់រំដល់បងប្អូនជនជាតិចិនដែលមកធ្វើការនៅកម្ពុជា ត្រូវស្គាល់ទំនៀមទម្លាប់,ត្រូវស្គាល់ភាពជិតស្និទ្ធ,ការគោរព និងអនុវត្តច្បាប់របស់កម្ពុជា»។
ក្រុមហ៊ុនចិនទាំង៣ មានសមាគមអភិវឌ្ឍន៍ឧស្សាហកម្មសម្ព័ន្ធវប្បធម៌ចិន, ក្រុមហ៊ុនស៊ីធីស៊ីខេ ត្រេឌីង និងសណ្ឋាគារអន្តរជាតិរ៉ូយ៉ាល់លីហុ័រ បានផ្ដល់ម៉ូតូចំនួន១០០គ្រឿង ដល់អគ្គស្នងការដ្ឋាននគរបាលជាតិ សម្រាប់សម្រួល និងជួយដល់ការអភិវឌ្ឍន៍។ ក្រុមហ៊ុនទាំងនេះ មកដាក់ទុនវិនិយោគនៅលើទឹកដីកម្ពុជា ក្រោមនយោបាយដាក់ចេញផ្លូវ និងខ្សែក្រវាត់រដ្ឋាភិបាលក្រុងប៉េកាំង៕
Tag:
ចិន
នគរបាល
© រក្សាសិទ្ធិដោយ thmeythmey.com
