អត្ថបទពាណិជ្ជកម្ម
×![]()
ដោយ: ថ្មីៗ
កាលពីពេលថ្មីៗកន្លងទៅនេះ ក្រុមហ៊ុន អុីណារីតា បានបើកសម្ពោធសាខាទី២ សំរោងអណ្តែត ជាផ្លូវការហើយ ដោយមានការចូលរួមយ៉ាងច្រើនកុះករ ពីសំណាក់អតិថិជនគ្រប់ខេត្ត-ក្រុង និងសិល្បករ សិល្បការិនីជាច្រើនរូបផងដែរ។ ការបើកសម្ពោធសាខាទី២ សំរោងអណ្តែរបស់ក្រុមហ៊ុន អុីណារីតានេះ គឺដើម្បីធ្វើយ៉ាងណា ផ្តល់ភាពងាយស្រួលចំពោះអតិថិជនជាច្រើន ដែលរង់ចាំទទួលយកសេវាកម្មពីក្រុមហ៊ុន ។
លោក ឌីម សួនណាត និង លោកស្រី ម៉ក់ សុភក្ត្រ័ អគ្គនាយកក្រុមហ៊ុន អុីណារីតា បានបញ្ជាក់ថា នេះជាការផ្តល់ជូននូវភាពងាយស្រួលបន្ថែមមួយកម្រិតទៀត ចំពោះអតិថិជនរបស់យើង ដែលសំដែងឲ្យឃើញថា ក្រុមហ៊ុន អុីណារីតា គឺបានគិតគូរ និងយកចិត្តទុក្ខដាក់ ចំពោះអតិថិជនខ្លួន» នេះជាការបញ្ជាក់របស់។ លោកក៏បានបន្ថែមថា៖«សាខាជាច្រើនទៀតរបស់ក្រុមហ៊ុន អុីណារីតា នឹងមានវត្តមានកាន់តែកៀក កាន់តែជិត អតិថិជន របស់យើង ដោយយើងនឹងពង្រីក និងពង្រឹងវិសាលភាពរបស់យើង ឲ្យបានគ្រប់ ២៥ ខេត្តក្រុង ក្នុងពេលឆាប់ៗ ដ៏ខ្លីខាងមុខនេះ»។
ដោយឡែក លោក រឹម ភក្តី ដែលជានាយកគ្រប់គ្រងទូទៅ ក្រុមហ៊ុន RITA អចលនទ្រព្យ ដែលជាបុត្រសម្ព័ន្ធមួយ របស់ក្រុមហ៊ុន ENARITA Development Co., Ltd. ហើយក៏ជាតំណាង លោកអគ្គនាយក ក្នុងការកាត់ខ្សែបូ ក្នុងឱកាសនោះ ក៏បញ្ជាក់ផងដែរថា រាល់អតិថិជនទាំងអស់ គឺអាចមកទទួលសេវាកម្មពីក្រុមហ៊ុនរបស់ខ្លួនបានពីគ្រប់សាខា និងរាល់ម៉ោងធ្វើការ។ លោក រឹម ភក្តី បញ្ជាក់ថា៖« អតិថិជន ដែលមានអាសយដ្ឋាននៅជិត សាខាទីមួយ អាចមកទទួលសេវា នៅសាខាទីមួយ ហើយអតិថិជន ដែលមានអាសយដ្ឋាននៅជិតសាខាទី២ សំរោងអណ្តែត អាចមកទទួលសេវានៅសាខាទី២ និយាយរួម ក្រុមហ៊ុន ព្យាយាមធ្វើយ៉ាងណា ឆ្លើយតប និងសេចក្តីត្រូវការ និងផ្តល់ភាពងាយស្រួល ចំពោះអតិថិជន»។
នៅក្នុងឱកាសនោះដែរ យើងក៏សង្កេតឃើញថា ក៏មានការចូលរួមយ៉ាងច្រើន ពីសិល្បករ សិល្បការិនី ជាច្រើនដូចជា កញ្ញា កែវ នីសា, លោក សាហារ៉ា,លោក ឃុន វុត្ថា, កញ្ញា សុវត្តិឌី ធារិកា, លោក សៅ ឧត្តម , លោក BIG , លោក ងួន សុបិន្ត, Dj KAKA ,លោក ម៉ាដូណា, លោក ស៊ឹម សុរាមភូមិ ព្រមទាំងមានការចាក់ភ្លេងពី Dj ល្បី គឺ Dj Puy ផងដែរ។
គួរបញ្ជាក់ផងដែរថា ក្រុមហ៊ុន អុីណារីតា ឌីវេឡុបមិន ឯ.ក គឺជាក្រុមហ៊ុនវិនិយោគ ទៅលើវិស័យអចនទ្រព្យដ៏ធំមួយ នៅក្នុងប្រទេសកម្ពុជា។ មិនតែប៉ុណ្ណោះ ក្រុមហ៊ុនក៏មានសេវាកម្ម ជាច្រើនដូចជា ផលិតទឹកបរិសុទ្ធ ផលិតផល និងសម្ភារកីឡា ហាងកាហ្វេរីតានៅខេត្តសៀមរាប និងភ្នំពេញ ព្រមទាំងសេវាកម្មផ្សេងៗ ជាច្រើនទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
