អត្ថបទពាណិជ្ជកម្ម
កុមារកម្ពុជាជាង២០០នាក់ទទួលបានម៉ាស៊ីនចម្រោះទឹកស្អាតពីសប្បុរសជន និងក្រុមហ៊ុនហាយដ្រូស៊ីក(Hydro6) ពី សិង្ហបុរី
×![]()
ដោយ: ថ្មីៗ
ភ្នំពេញ៖ កាលពីថ្ងៃទី៤ ខែឧសភា ឆ្នាំ២០១៩ កុមារកម្ពុជា ២២៥ នាក់ នៅអង្គការភូមិកុមារសេអាមេត្រី ស្ថិតក្នុងភូមិចំបក់ត្រប់ ឃុំព្រែករកា ស្រុកកណ្តាល ស្ទឹងខេត្តកណ្តាល ទទួលម៉ាស៊ីន ចម្រោះទឹកស្អាត,សម្ភារសិក្សា និងការអប់រំទាក់ទងនឹងសុខភាព បរិស្ថាន និងអនាម័យ ពីសប្បុរសជន និងក្រុមហ៊ុនហាយដ្រូស៊ីក(Hydro6) ពីប្រទេសសិង្ហបុរី។ ការប្រគល់ម៉ាស៊ីនចម្រោះទឹកស្អាត សម្ភារសិក្សា និងការអប់រំអំពីបរិស្ថាន សុខភាព និងសារៈសំខាន់នៃការប្រើទឹកស្អាតនេះ ជាសកម្មភាពមនុស្សធម៌ដែល Hydro 6 តែងតែធ្វើកន្លងមក។
លោក ជេស៊ិន ចូវ (Jason Chow) តំណាងក្រុមហ៊ុន Hydro 6 បានលើកឡើងថា៖ Hydro 6 ចង់ឱ្យកុមារកម្ពុជា មានទឹស្អាត និងសុវត្ថិភាពប្រើប្រាស់ មានសុខភាពល្អ និងខិតខំសិក្សា ដើម្បីអនាគត។ បើតាមលោក ជេស៊ិន ចូវ បច្ចេកវិទ្យាដ៏ទំនើបរបស់ម៉ាស៊ីនចម្រោះទឹក Hydro6 គឺធានានូវគុណភាព និងសុវត្ថិភាព ១០០% ចំពោះទឹក ថែមធ្វើឲ្យទឹកដែលច្រោះរួច ក្លាយជាទឹកសុខភាព រួមផ្សំដោយសារធាតុរ៉ែនានាដែលល្អសមស្របបំផុតសម្រាប់សុខភាព។ ជាពិសេសទៅទៀត យុទ្ធនាការរបស់ក្រុមហ៊ុន គឺចង់ឲ្យកុមារ យល់ដឹងពីការថែរក្សាសុខភាព អនាម័យ និងបរិស្ថាន។ លោក ជេស៊ិន ចូវ បានបន្តធ្វើសកម្មភាពមនុស្សធម៌ដូច្នេះ ឲ្យបានកាន់តែច្រើនថែមទៀត ដើម្បីជួយដល់សង្គមកម្ពុជាវិញ។
អ្នកស្រី ស្វាយ មួយ នាយិកាភូមិកុមារសេអាមេត្រី បានគូសបញ្ជាក់ថា អំណោយជាម៉ាស៊ីនចម្រោះទឹកស្អាតរបស់សប្បុរសជន និងក្រុមហ៊ុនហាយដ្រូស៊ីក មានសារៈសំខាន់ណាស់ សម្រាប់អង្គការ និងសិស្សានុសិស្សរបស់គាត់។ សម្រាប់អ្នកស្រី ស្វាយ មួយ ម៉ាស៊ីនចម្រោះទឹកស្អាត នឹងជួយឲ្យកុមារទទួលបានទឹកស្អាតបរិភោគ និងមានសុវត្ថិភាពដែលជួយឱ្យកុមារមានសុខភាពល្អ ក៏ដូចជាកាត់បន្ថយការចំណាយលើការទិញទឹក។ ចំណែកសម្ភារសិក្សា ដែលផ្តល់ឱ្យដោយក្រុមហ៊ុន Hydro 6 នឹងជួយសម្រួលដល់ការខ្វះខាតសម្ភារសិក្សា នៅក្នុងសាលាភូមិកុមារសេអាមេត្រីផងដែរ។ មិនត្រឹមតែប៉ុណ្ណោះ កុមារ បានទទួលចំណេះដឹងពីការអប់រំសុខភាព បរិស្ថាន និងអនាម័យ ជាពិសេស បានទទួលក្តីស្រឡាញ់ និងការទទួលទានអាហារថ្ងៃត្រង់រួមគ្នា។ នេះជាការបន្ថែមរបស់ នាយិកាភូមិកុមារសេអាមេត្រី។
សូមជម្រាបថា ភូមិកុមារសេអាមេត្រី បង្កើតដំបូងនៅឆ្នាំ២០០៣នៅភ្នំពេញ តែក្រោយមក ដូរមកនៅស្រុកកណ្តាលស្ទឹង ខេត្តកណ្តាលវិញ ដើម្បីជួយទៅដល់កុមារក្រីក្រ នៅទីជនបទ។ នេះបើតាមអ្នក ស្រី ស្វាយ មួយ ដែលបានឲ្យដឹងទៀតថា ចំណូលសម្រាប់ផ្គត់ផ្គង់សាលានេះ បានមកពីសប្បុរសជន និងការបើកកន្លែងអង្គុយកម្សាន្តមាត់បឹង នៅចុងសប្តាហ៍ និងពិធីបុណ្យផ្សេងៗ។ ទោះយ៉ាងណាក៏ដោយ សាលានៅតែខ្វះខាត និងត្រូវការជំនួយពីសប្បុរសជនដែរ។ អ្នកស្រី ស្វាយ មួយ បានបន្តឱ្យដឹងថា៖«បច្ចុប្បន្ន មានសិស្សានុសិស្សចំនួន២២៥នាក់ កំពុងរៀននៅភូមិកុមារសេអាមេត្រី។ សាលា មានទទួលសិស្សក្រីក្រ ពីអាយុ៣ឆ្នាំឡើងទៅ និងមានបណ្តុះបណ្តាលភាសាខ្មែរ តាមកម្មវិធីក្រសួងអប់រំ យុវជន និងកីឡា ព្រមទាំងបំប៉នភាសាអង់គ្លេស កុំព្យូទ័រ កីឡា ភ្លេង និងរបាំ»។
លោកស្រីនាយិកាភូមិកុមារសេអាមេត្រី បានថ្លែងអំណរគុណចំពោះសប្បុរសជន ថ្នាក់ដឹកនាំនិង បុគ្គលិកក្រុមហ៊ុន Hydro 6 ដែលបានផ្តល់អំណោយនិងធ្វើសកម្មភាពមនុស្សធម៌នៅទីនេះ៕
(អត្ថបទពាណិជ្ជកម្ម)
Tag:
Hang Meas
© រក្សាសិទ្ធិដោយ thmeythmey.com
