កីឡាជាតិ
ជាតិ
ក្លិបភ្នំពេញក្រោនចែកផ្លូវជាមួយលោក Leonardo Vitorino ក្រោយដឹកនាំបាន៧ប្រកួត រូបភាពពីវេបសាផ្លូវការក្លិបភ្នំពេញក្រោន
× ក្លិបកីឡាបាល់ទាត់ភ្នំពេញក្រោនបានប្រកាសចែកផ្លូវជាមួយគ្រូបង្វឹក Leonardo Vitorino ហើយ ក្រោយដឹកនាំក្រុមបាន៧ប្រកួត ឈ្នះតែ២លើក និងចាញ់៥លើក។ នេះបើតាមការប្រកាសរបស់ក្លិបតាមរយៈប្រព័ន្ធផ្សព្វផ្សាយផ្លូវការរបស់ពួកគេ នៅថ្ងៃទី៧ ខែឧសភានេះ។
សំណេរនៅលើវេបសាយភ្នំពេញក្រោនបានសរសេរថាក្លិប និងលោក Leonardo Vitorino បានឯកភាពគ្នាបញ្ចប់កិច្ចសន្យាជាផ្លូវការក្រោយដឹកនាំក្រុមបានត្រឹមសប្តាហ៍ទី៦ នៃលីគកំពូលកម្ពុជា រដូវកាល២០១៩នេះ។
យ៉ាងណាមិញ ជើងឯកលីគកំពូលកម្ពុជា៦សម័យនេះ មិនបានបញ្ជាក់ពីមូលហេតុនៃការចែកផ្លូវគ្នានេះឡើយ ប៉ុន្តែសុខភាពរបស់លោក Vitorino អាចជាមូលហេុតមួយដែរ។ មុនការប៉ះគ្នាជាមួយក្រុមណាហ្គានៅថ្ងៃទី៥ ខែឧសភា លោក Vitorino ជួបបញ្ហាសម្ពាធបេះដូង។ លើសពីនោះ លទ្ធផលមិនល្អនាពេលកន្លងមក ក៏ទំនងជាកត្តាមួយដែរ។
អតីតគ្រូជម្រើសជាតិកម្ពុជាសញ្ជាតិប្រេស៊ីលរូបនេះ ដឹកនាំក្រុមភ្នំពេញក្រោនក្នុងការប្រកួតផ្លូវការសរុបទាំងអស់ចំនួន៧លើក ដោយក្នុងនោះ៦ប្រកួតក្នុងលីគឈ្នះតែ២លើកប៉ុណ្ណោះ និងចាញ់៤ដង មាន៦ពិន្ទុស្ថិតនៅចំណាត់ថ្នាក់ទី១០ ក្នុងតារាងលីគកំពូលកម្ពុជា៕
© រក្សាសិទ្ធិដោយ thmeythmey.com