អត្ថបទពាណិជ្ជកម្ម
×![]()
ដោយ: ថ្មីៗ
ទីក្រុងហូជីមិញ ថ្ងៃទី៦ ខែឧសភា ឆ្នាំ២០១៩– ក្រោយពីពង្រីកបណ្តាញហោះហើរអន្តរជាតិឥតឈប់ឈររបស់ខ្លួន ប្រាក់ចំណូលរបស់ក្រុមហ៊ុនអាកាសចរណ៍ Vietjet បានកើនឡើងជិត១៨% នៅក្នុងត្រីមាសទី១ ឆ្នាំ២០១៩នេះ ធៀបទៅនឹងរយៈពេលដូចគ្នា ក្នុងឆ្នាំ២០១៨។ ប្រាក់ចំណេញពីការដឹកជញ្ជូនផ្លូវអាកាស នៅមុនពេលកាត់ពន្ធ បានកើនឡើងដល់ ៩២៣ ពាន់លានដុង (ស្មើនឹង ៣៩,៦៧៥លានដុល្លារអាមេរិក) ស្មើនឹង២៥,៣% បើធៀបទៅនឹងឆ្នាំមុន ដែលនាំឲ្យប្រាក់ចំណូលសរុប បានកើនឡើងដល់ ១ ៦៤៨ ពាន់លានដុង ពោលគឺកើនឡើង១១,៣% បើធៀបទៅនឹងរយៈពេលដូចគ្នា ក្នុងឆ្នាំ២០១៨។ ក្នុងត្រីមាសទី១ ឆ្នាំ២០១៩ ក្រុមហ៊ុននេះ មិនមានដំណើរការនៃការលក់ និងជួលត្រឡប់មកវិញឡើយ។ ក្នុងរយៈពេលដូចគ្នានេះ កាលពីឆ្នាំមុន ក្រុមហ៊ុន Vietjet មានដំណើរការលក់ និងជួលត្រឡប់មកវិញចំនួន៤ករណី។
ក្នុងត្រីមាសទី១ ឆ្នាំ២០១៩ ក្រុមហ៊ុនអាកាសចរណ៍ Vietjet បានចាប់ផ្តើមដំណើរការផ្លូវហោះហើរក្នុងស្រុកចំនួន២ និងអន្តរជាតិចំនួន៤ ដើម្បីធ្វើឲ្យផ្លូវហោះហើរសរុបរបស់ខ្លួន កើនឡើងរហូតដល់ ១១១។ ចំនួននៃប្រាក់ចំណូលអន្តរជាតិ បានកើនឡើងខ្ពស់ ជាងប្រាក់ចំណូលដែលបានមកពីការហោះហើរក្នុងស្រុក និងបានកើនឡើងចំនួន៥៥% នៃប្រាក់ចំណូលពីការដឹកជញ្ជូនសរុបរបស់ក្រុមហ៊ុននេះ។
ផ្លូវហោះហើរអន្តរជាតិ មានសមត្ថភាពលើការអភិវឌ្ឍទីផ្សារដ៏ធំមួយ និងបង្កើនប្រាក់ចំណូលដ៏ខ្ពស់ ហើយផ្លូវហោះហើរនេះ ក៏ជួយឲ្យក្រុមហ៊ុន Vietjet បង្កើនប្រាក់ចំណូលលើរូបិយបណ្ណបរទេសរបស់ខ្លួន ពីការលក់សំបុត្រផងដែរ ស្របពេលដែលក្រុមហ៊ុន ទទួលបានអត្ថប្រយោជន៍ពីការធ្លាក់ចុះនូវតម្លៃប្រេង លើទីផ្សារអន្តរជាតិនានា។
Vietjet បានប្រតិបត្តិការហោះហើរចំនួន ៣៣,៦៤៦ លើក ក្នុងត្រីមាសទី១ ឆ្នាំ២០១៩ ទៅលើ បណ្តាញហោះហើររបស់ខ្លួន ដែលគ្របដណ្តប់លើគោលដៅជាច្រើន ក្នុងប្រទេសវៀតណាម ជប៉ុន ហុងកុង (ចិន) សិង្ហបុរី កូរ៉េខាងត្បូង តៃវ៉ាន់ (ចិន) ថៃ មីយ៉ាន់ម៉ា ម៉ាឡេស៊ី កម្ពុជា និងប្រទេសចិន។ ក្រុមហ៊ុន Vietjet ក៏មានមជ្ឈមណ្ឌលប្រតិបត្តិ នៅអាកាសយានដ្ឋានក្នុងទីក្រុងឌូបៃ និងដូហាផងដែរ។
ហេតុនេះ ប្រាក់ចំណូលស្នូលរបស់ក្រុមហ៊ុន Vietjet ពីការដឹកជញ្ជូនផ្លូវអាកាស ក្នុងត្រីមាសទី១ នៅឆ្នាំនេះ បានកើនឡើង ១០,០៧១ ពាន់លានដុង ពោលគឺកើនឡើងជិត២៨% ខណៈដែលប្រាក់ចំណូលពីការលក់ទំនិញ និងសេវាផ្សេងៗ បានកើនឡើងចំនួន ២,៦៤៧ ពាន់លានដុង ស្មើនឹង៤៥,១% បើធៀបទៅនឹងឆ្នាំមុន។ ចំនួននៃប្រាក់ចំណូលផ្សេងៗពីការលក់ទំនិញ និងសេវាកម្ម (ដែលជាប្រាក់ចំណេញដ៏ខ្ពស់) បានបន្តកើនឡើងពី២៣,១% ក្នុងត្រីមាសទី១ ឆ្នាំ២០១៨ រហូតដល់២៥,៤% នៅត្រឹមចុងឆ្នាំ២០១៨ និងកើនដល់២៦,៣% នៅចុងត្រីមាសទី១ ឆ្នាំ២០១៩។ លទ្ធផលអាជីវកម្មក្នុងត្រីមាសទី១ ឆ្នាំ២០១៩ បានកើនឡើងលើសពីការព្យាករទុក ជាមួយនឹងប្រាក់ចំណូលសរុបកើនដល់ ១៣,៦៣៦ ពានលានដុង ខណៈដែលប្រាក់ចំណេញសរុបបន្ទាប់ពីកាត់ពន្ធមានចំនួន ១,៤៦៣ ពាន់លានដុង ពោលគឺកើនឡើង៩% និង៧% រៀងៗខ្លួន បើធៀបទៅនឹងឆ្នាំមុន។
សម្រាប់ត្រីមាសទី១នេះ ក្រុមហ៊ុន Vietjet បានបំពេញតាមផែនការ នៃការរកប្រាក់ចំណូលចំនួន២៣,៤% នៅឆ្នាំនេះ និង២៦,៥% នៃផែនការរកប្រាក់ចំណេញ។ គិតត្រឹមថ្ងៃទី៣១ ខែមីនា ឆ្នាំ២០១៩ ប្រាក់ចំណូលមានចំនួន ១៥,៥០៧ ពាន់លានដុង ដែលកើនឡើង៣៤,៦% បើធៀបទៅនឹងត្រីមាសមុន និង១០,៥% បើធៀបទៅនឹងឆ្នាំ២០១៨។
ក្រុមហ៊ុន Vietjet បានសម្រេចចិត្តទូទាត់ភាគលាភនៅឆ្នាំ២០១៨ ក្នុងអត្រា ៥៥% ពោលគឺខ្ពស់ជាងអត្រា៥០% ដែលត្រូវបានអនុម័ត ក្នុងកិច្ចប្រជុំប្រចាំរបស់ភាគីពាក់ព័ន្ធជាទូទៅ កាលពីឆ្នាំមុន។
ជាមួយនឹងលទ្ធផលអាជីវកម្មដ៏ល្អ គម្រោងនៃការពង្រីកបណ្តាញហោះហើរក្នុងស្រុក និងអន្តរជាតិ និងការគ្រប់គ្រងការចំណាយ ក៏ដូចជាសមត្ថភាពគ្រប់គ្រងគុណភាព នៃការប្រតិបត្តិ ក្រុមហ៊ុន Vietjet រំពឹងទុកថា នឹងរក្សាការរីកចម្រើនរបស់ខ្លួនជាវិជ្ជមាន ដែលត្រូវបានកំណត់លើគោលដៅរយៈពេល៣ឆ្នាំ ដែលក្រុមប្រឹក្សាគ្រប់គ្រងទូទៅ បានធ្វើរបាយការណ៍ក្នុងកិច្ចប្រជុំប្រចាំឆ្នាំរបស់ភាគីពាក់ព័ន្ធ ស្របពេលដែលក្រុមហ៊ុន ក៏នឹងរក្សាទីតាំងឈានមុខគេរបស់ខ្លួន លើការដឹកជញ្ជូនអ្នកដំណើរក្នុងស្រុក និងពង្រីកផ្លូវហោះហើរអន្តរជាតិ និងការផ្តល់ជូនសេវាជាទូទៅរបស់ខ្លួនប្រកបដោយប្រសិទ្ធភាព៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
