ជាតិ
សង្គមជាតិ
ចាប់ជនជាតិចិន២៨នាក់ ពីបទជំរិតទារលុយតាមអ៊ីនធឺណិត សកម្មភាពដែលកងកម្លាំងអធិការដ្ឋាននគរបាលខណ្ឌសែនសុខ ចាប់ខ្លួនជនជាតិចិនទាំង២៨រូបពីបទជំរិតទារលុយតាមអ៊ីនធឺណិត
× ភ្នំពេញ៖ ជនជាតិចិនទាំង២៨នាក់ ត្រូវបានកម្លាំងអធិការដ្ឋាននគរបាលខណ្ឌសែនសុខ និងកម្លាំងនាយកដ្ឋានប្រឆាំងភេវកម្ម និងឧក្រិដ្ឋកម្មឆ្លងដែន ចាប់ខ្លួនពីបទជំរិតទារលុយតាមប្រព័ន្ធអ៊ីនធឺណិត នៅសង្កាត់ឃ្មួញ ខណ្ឌសែនសុខ។ នេះបើតាមលោក ហួរ ម៉េងវាង អធិការនគរបាលខណ្ឌសែនសុខ ដែលបានប្រាប់ដល់សារព័ត៌មានថ្មីៗតាមទូរសព្ទ។
វត្ថុតាងដែលត្រូវបានកម្លាំងសមត្ថកិច្ចដកហូតពីជនជាតិទាំងនោះ មានដូចជា ទូរសព្ទដៃ៤គ្រឿង, ទូរសព្ទដៃ Nokia ១១គ្រឿង, IPad mini ៥គ្រឿង, ម៉ាស៊ីនបែងចែកអ៊ីនធឺណិត៦គ្រឿង, ដុំភ្លើង១ដុំ, Lap Top ៣គ្រឿង, ម៉ាស៊ីនបំផ្លាញក្រដាស១គ្រឿង, ម៉ាស៊ីនព្រីន ១គ្រឿង, ឯកសារមួយចំនួន, រថយន្ត LEXUS.RX30០ ១គ្រឿង និងម៉ាស៊ីនថតរូបមួយគ្រឿង។
បើតាមអគ្គស្នងការដ្ឋាននគរបាលជាតិ ជនទាំង២៨នាក់នោះ ត្រូវបាននាំទៅសាកសួរ និងចាត់ការតាមវិធានការនៃច្បាប់៕
© រក្សាសិទ្ធិដោយ thmeythmey.com