អន្តរជាតិ
ជាមធ្យមប្រជាជនអឺរ៉ុបម្នាក់ថយអាយុអស់ពីរឆ្នាំ ដោយសារការបំពុលបរិយាកាស
×![]()
ដោយ: ថ្មីៗ
ថ្វីបើមានសេដ្ឋកិច្ចរីកចម្រើនក៏ដោយ ប្រទេសអឺរ៉ុបនៅរងគ្រោះខ្លាំងដោយសារការបំពុលបរិយាកាស។ អ្វីដែលសំខាន់ប្រជាជនម្នាក់ខាតអាយុអស់ពីឆ្នាំឯណោះដោយសារបញ្ហាបំពុលខ្យល់អាកាស។ 
របាយការណ៍មួយដែលបានចុះផ្សាយនៅលើទស្សនាវដ្តី European Heart Journal កាលពីខែមីនាបានបង្ហាញថា ជាមធ្យមមនុស្សម្នាក់នៅអឺរ៉ុប ថយអាយុអស់ពីរឆ្នាំ ដោយសារផលប៉ះពាល់ផ្នែកសុខភាពផ្លូវដង្ហើមបង្កឡើងពីការបំពុលបរិយាកាស។
ផ្អែកលើទិន្នន័យនៅក្នុងរបាយការណ៍នោះ ប្រជាជនអឺរ៉ុបប្រមាណ៨ សែននាក់ ក្នុងចំណោម ៥លាននាក់ បានស្លាប់មុនអាយុ ដែលការស្លាប់នេះមានជាប់ទាក់ទងជាមួយនឹងការ បំពុលបរិយាកាស។ ភាគច្រើននៃការស្លាប់ទាំងនោះ ចន្លោះពី៤០-៨០% គឺដោយសារផលប៉ះ ពាល់នៃខ្យល់កខ្វក់ ហើយមិនមានជាប់ពាក់ព័ន្ធជាមួយនឹងប្រដាប់ដង្ហើមទេ ពោលគឺគ្រប់សរីរាង្គ របស់ប្រដាប់ដង្ហើមនៅល្អដូចធម្មតា។ ក៏ប៉ុន្តែការបំពុលបានបង្កឱ្យមានជំងឺបេះដូង ជំងឺដាច់សរសៃ ឈាមខួរក្បាល ដែលបណ្តាលមកពីកម្រិតជាតិពុលខ្ពស់នៅក្នុងចរន្តឈាម។
បន្ថែមពីនេះ ការស្រូបយកខ្យល់អាកាលពុលរ៉ាំរ៉ៃធ្វើឱ្យកម្រិតភាគល្អិតតូចៗនៅក្នុងខ្យល់ដង្ហើមនិង ចរន្តឈាមកើនឡើង។ ការណ៍នេះធ្វើឱ្យសរសៃឈាមដំណើរការមិនប្រក្រតី ដែលអាចបណ្តាលឱ្យ យើងកើតជម្ងឺគាំងបេះដូង ជំងឺលើសឈាម(សម្ពាធឈាមកើនខ្ពស់) និងជំងឺដាច់សរសៃខួរក្បាល ជាដើម។
ក្រុមអ្នកស្រាវជ្រាវបានរកឃើញថាការបំពុលបរិយាកាសដែលបណ្តាលមកពីចំហេះឥន្ធនៈផូស៊ីល អាចកាត់បន្ថយបានដោយការផ្លាស់ប្តូរទៅប្រើប្រភពថាមពលដែលអាចកើតឡើងវិញបានដូចជាខ្យល់ ពន្លឺព្រះអាទិត្យ ទឹក និងជីវម៉ាស។ ការជំនួសនេះ នឹងកាត់បន្ថយការធ្លាក់ចុះនៃអត្រាសង្ឃឹមរស់ពី កំណើតដែលបណ្តាលមកពីកង្វក់បរិយាកាស ប្រកបដោយចីរភាព។
ប្រែសម្រួលដោយ៖ យ៉ន សុខន
© រក្សាសិទ្ធិដោយ thmeythmey.com
