អត្ថបទពាណិជ្ជកម្ម
ប្រាសាក់ បន្តសកម្មភាពមនុស្សធម៌ ដោយបរិច្ចាគថវិកាចំនួន៨០លានរៀល ជូនកាកបាទក្រហមកម្ពុជា
× ប្រាសាក់ ជាគ្រឹះស្ថានឈរលេខរៀងទី១ ក្នុងវិស័យមីក្រូហិរញ្ញវត្ថុ និងជាគ្រឹះស្ថានធំមួយក្នុងចំណោម ធនាគារធំទាំង ៥ នៅកម្ពុជា បានបរិច្ចាគថវិកាចំនួន ៨០ លានរៀល ជូនកាកបាទក្រហមកម្ពុជា ក្នុងពិធីប្រារព្ធខួបលើកទី ១៥៦ ទិវាពិភពលោកកាកបាទក្រហម និងអឌ្ឍចន្ទក្រហម។ ការបរិច្ចាគនេះ គឺដើម្បីចូលរួមចំណែកក្នុងសកម្មភាពមនុស្សធម៌ និងអនុលោមតាមតម្លៃស្នូល របស់ប្រាសាក់ ក្នុងការគាំទ្រសុខុមាលភាពសង្គម។
ទិវាអន្តរជាតិកាកបាទក្រហម អឌ្ឍចន្ទក្រហម ៨ ឧសភា និងអបអរខួប ១០០ឆ្នាំ នៃការបង្កើតសហព័ន្ធអន្តរជាតិ នៃសមាគមកាកបាទក្រហម អឌ្ឍចន្ទក្រហម (១៩១៩-២០១៩) បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់សម្តេច ហ៊ុន សែន នាយករដ្ឋមន្ត្រីកម្ពុជា និងសម្តេច ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងវត្តមានសមាជិកកាកបាទក្រហមកម្ពុជា សមាជិករដ្ឋសភា មន្ត្រីរដ្ឋាភិបាល ម្ចាស់ជំនួយជាតិ និងអន្តរជាតិ អ្នកស្ម័គ្រចិត្តកាកបាទក្រហមកម្ពុជា និងអ្នកតំណាងគណៈកម្មការអន្តរជាតិកាកបាទក្រហមជាច្រើនរូប។
លោក សាយ សូនី នាយកប្រតិបត្តិគ្រប់គ្រងទីផ្សារ នៃគ្រឹះស្ថានមីក្រូហិរញ្ញវត្ថុប្រាសាក់ បានមានប្រសាសន៍ថា ប្រាសាក់បានផ្សារភ្ជាប់ខ្លួនយ៉ាងសកម្ម ទៅនឹងកិច្ចការសង្គមជាច្រើន ដើម្បីបង្កើតជាគុណតម្លៃ និងផ្ដល់ជាផលប្រយោជន៍ជូនសង្គម និងស្ថាប័នទាំងមូល។ លោក សាយ សូនី បន្ថែមថា៖« ស្របទៅនឹងទស្សនវិស័យ និងភាពទំនួលខុសត្រូវរបស់ស្ថាប័នទៅនឹងសង្គម ប្រាសាក់ ក៏បានចូលរួមក្នុងកម្មវិធីជាច្រើនដូចជា សាងសង់អគារបណ្ណាល័យ ឧបត្ថម្ភការវះកាត់មាត់ឆែប ចូលរួមឧបត្ថម្ភដល់សិស្សពូកែ ទិវាអំណានជាតិ ការអប់រំ «ខ្ញុំស្រលាញ់ប្រាក់រៀល» យល់ដឹងពីហិរញ្ញវត្ថុ ចូលរួមបរិច្ចាគឈាម គាំទ្រកម្មវិធីពង្រឹងសមត្ថភាពរបស់យុវជន និងផ្តល់ជំនួយសង្គ្រោះបន្ទាន់ដល់សហគមន៍ជាដើម»។
លោកសាយ សូនី បានបន្ថែមទៀតថា៖«ប្រាសាក់ ពិតជាមានសេចក្ដីរីករាយណាស់ ដែលបានចូលរួមគាំទ្រដល់សកម្មភាពសង្គម និងការជួយជនរងគ្រោះដោយគ្រោះមហន្តរាយ និងវិបត្តិភ័យផ្សេងៗ ដោយការបរិច្ចាគទឹកប្រាក់ តាមរយៈកាកបាទក្រហមកម្ពុជា។ ប្រាសាក់សង្ឃឹមថា ការបរិច្ចាគថវិកានាពេលនេះ នឹងចូលរួមចំណែកក្នុងការជួយឱ្យកាកបាទក្រហមកម្ពុជា កាន់តែមានលទ្ធភាពទូលំទូលាយ ជួយដល់ជនងាយរងគ្រោះបន្ថែមទៀត»។
សូមបញ្ជាក់ថា ប្រាសាក់ ជាគ្រឹះស្ថានឯកជន និងមានអាជ្ញាប័ណ្ណទទួលប្រាក់បញ្ញើ ពីសាធារណជនពីធនាគារជាតិនៃកម្ពុជា ហើយកំពុងផ្តល់សេវាហិរញ្ញវត្ថុជាច្រើន រួមមាន សេវាឥណទាន ប្រាក់បញ្ញើសន្សំ ទូទាត់វិក្កយបត្រទឹក-ភ្លើង ផ្ទេរប្រាក់ ផ្ទេរប្រាក់តាមលេខសម្ងាត់ ប្តូរប្រាក់ ទិញកាតទូរស័ព្ទ សេវាធនាគារចល័ត សេវាអេធីអឹម សេវាបើកប្រាក់បៀវត្ស សេវាទូទាត់រហ័ស និងម៉ាស៊ីនឆូតកាតនៅទូទាំងប្រទេស។ បច្ចុប្បន្ន ការបង់ថ្លៃទឹក បង់ថ្លៃភ្លើង ផ្ទេរប្រាក់ទៅដៃគូជំនួញ ឬទៅមនុស្សជាទីស្រឡាញ់ ផ្ទេរប្រាក់តាមលេខសម្ងាត់ ឬផ្ទេរប្រាក់ទៅកាន់អ្នកគ្មានគណនី តាមរយៈសេវាធនាគារចល័ត (Mobile Banking & Internet Banking) និងម៉ាស៊ីនអេធីអឹមប្រាសាក់ មិនគិតកម្រៃសេវា។ សម្រាប់ព័ត៌មានបន្ថែម សូមទាក់ទងយើងខ្ញុំតាម 023 999 911 ឬ 086 999 911 ឬ 096 9 999 911 ឬ វេបសាយត៍
www.prasac.com.kh ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com