រង្វាន់៤លានរៀល និង៤០លានរៀល របស់ស្រាបៀកម្ពុជា នៅសល់ជិតជិត១,០០០រង្វាន់ទៀតឯណោះ

អត្ថបទពាណិជ្ជកម្ម

រង្វាន់៤លានរៀល និង៤០លានរៀល របស់ស្រាបៀកម្ពុជា នៅសល់ជិតជិត១,០០០រង្វាន់ទៀតឯណោះ

09, May 2019 , 3:21 pm

រូបភាព

ដោយ: ថ្មីៗ

ភ្នំពេញ៖អតិថិជនរបស់ស្រាបៀកម្ពុជា បានលើកឡើងពីចម្ងល់របស់ខ្លួន ជុំវិញរង្វាន់ធំ របស់ផលិតផលមួយនេះ ថាតើនៅសល់ចំនួនប៉ុន្មានទៀត នៅលើទីផ្សារនេះ? ចម្ងល់នេះ កើតឡើងនៅពេលដែលពួកគាត់តែងតែងឃើញមានអតិថិជនស្ទើរតែពីគ្រប់បណ្តាខេត្ត-ក្រុង បានត្រូវរង្វាន់ធំ ជាពិសេសរង្វាន់ ៤លានរៀល និង ៤០លានរៀល ពីក្រវិលកំប៉ុងស្រាបៀកម្ពុជា ជាហូរហែនោះ។

លោកស្រី គង់ កុសល នាយកផ្នែកទីផ្សារក្រុមហ៊ុន ខ្មែរ ប៊ែវើរីជីស បានគូសបញ្ជាក់ថា គិតត្រឹមថ្ងៃទី៦ ឧសភា មានអតិថិជនដែលឈ្នះទឹកប្រាក់៤លានរៀល និងបានបើកប្រាក់រង្វាន់រួចសរុបចំនួន ១,០៨៨នាក់។ បើផ្អែកតាមតួលេខនេះ មានន័យថា រង្វាន់ទឹកប្រាក់ ៤លានរៀលនេះ នៅមានចំនួន ៩១២ កំប៉ុងទៀត ព្រោះក្រុមហ៊ុន បានដាក់រហូតដល់ទៅ ២,០០០ រង្វាន់ឯណោះ សម្រាប់កម្មវិធីផ្តល់រង្វាន់តាមរយៈក្រវិលកំប៉ុងស្រាបៀកម្ពុជា។

ដោយឡែក រង្វាន់ ៤០លានរៀលវិញអ្នកស្រី កុសល បានឲ្យដឹងថា នៅសល់ចំនួន ៦៥ រង្វាន់ទៀត ក្នុងកំប៉ុងស្រាបៀកម្ពុជា ដែលបានបញ្ចេញលក់នៅលើទីផ្សារកម្ពុជា។ «មកដល់ពេលនេះគឺអតិថិជនដែលឈ្នះហើយបានមកបើកប្រាក់រង្វាន់រួចរាល់ចំនួន ៣៥នាក់ហើយ។ ដូច្នេះរង្វាន់៤០លានរៀលនេះ នៅសល់ ចំនួន ៦៥ រង្វាន់ទៀត»។ នេះជាការបញ្ជាក់របស់អ្នកស្រី គង់ កុសល ដែលគាត់បន្តថ្លែងអំណរគុណ ដល់ប្រជាជនកម្ពុជាទាំងអស់ ដែលបានគាំទ្រដល់ផលិតផលភេសជ្ជៈ ខ្មែរ ប៊ែវើរីជីស ។

ផលិតផលភេសជ្ជៈ ខ្មែរ ប៊ែវើរីជីស ត្រូវបានផលិតឡើយដោយ វិស្វករជំនាញបណ្តុះបណ្តាលពីប្រទេសអាល្លឺម៉ង់ រោងចក្រធំទូលាយ បរិស្ថានស្អាតអនុលោមតាមបរិស្ថានស្តង់អន្តរជាតិ ISO 14001 និងបំពាក់ដោយម៉ាស៊ិនបរិក្ខារទំនើបស្វ័យប្រវត្តិ ដើម្បីធានាបាននូវគុណភាព សុវត្តិភាព និងរសជាតិឆ្ងាញ់បំផុត ដែលផ្សំឡើងដោយគ្រឿងផ្សំ នាំចូលពីសហរដ្ឋអាមេរិក ក្រុមហ៊ុន អេ ឌី អឹម និងអាល្លឺម៉ង់។

ជាមួយគ្នានេះដែរ អ្នកស្រី ក៏រម្លឹកដល់អតិថិជនដែលនិយមពិសាស្រាបៀកម្ពុជា ឲ្យពិនិត្យមើលក្រវិលក្រកំប៉ុងស្រាបៀរបស់ខ្លួនផងដែរ ក្រែងមានសំណាង ត្រូវរង្វាន់ធំពីក្រវិលកំប៉ុងស្រាបៀកម្ពុជា និងជៀសវាងការបាត់បង់លាភសក្ការៈនេះ។ បើបានឃើញរង្វាន់ធំ កុំភ្លេចទំនាក់ទំនងមកកាន់លេខ ០៦១/០៦៧/០៦៩ ៩០២ ៩០២ ដើម្បីណាត់ជួបបើករង្វាន់៕