អត្ថបទពាណិជ្ជកម្ម
លោកឌីម សួនណាត និងលោកស្រីម៉ក់ សុភក្ត្រ័ អគ្គនាយកក្រុមហ៊ុន ENARITA បរិច្ចាគថវិកាសប្បុរសធម៌ ១ម៉ឺនដុល្លារ ដល់កាកបាទក្រហមកម្ពុជា
×![]()
ដោយ: ថ្មីៗ
ភ្នំពេញ៖ នៅព្រឹកថ្ងៃពុធ ទី៨ ខែឧសភា ឆ្នាំ២០១៩នេះ សម្ដេចហ៊ុន សែន នាយករដ្ឋមន្ដ្រី កម្ពុជា និងសម្តេចប៉ុន រ៉ានី ហ៊ុន សែន បានអញ្ជើញជាអធិបតីក្នុងពិធីអបអរសាទរខួបលើកទី ១៥៦ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា ដែលធ្វើឡើងនៅទីស្នាក់ការកណ្តាលកាកបាទក្រហមកម្ពុជា ក្នុងរាជធានីភ្នំពេញ។ ពិធីនេះ មានការចូលរួមពីឥស្សរជន ថ្នាក់ដឹកនាំជាតិ អន្តរជាតិ សប្បុរសជន និងសិស្ស និស្សិតសរុបប្រមាណជាង៤ពាន់នាក់។
នៅក្នុងឱកាសនោះដែរ យើងក៏សង្កេតឃើញ មានវត្តមានលោក ឌីម សួនណាត និងលោកស្រី ម៉ក់ សុភក្ត្រ័ ដែលជាអគ្គនាយកក្រុមហ៊ុន ENARITA Development Co., Ltd. បានចូលរួមអបអរសាទរ និងបរិច្ចាគថវិកាផ្ទាល់ខ្លួន ចំនួន១ម៉ឺនដុល្លារសហរដ្ឋអាមេរិកថែមទៀតផង។
បើតាមលោក និងលោកស្រី អគ្គនាយក ការបរិច្ចាគថវិកាផ្ទាល់ខ្លួននេះ គឺជាការចូលចំណែកជាមួយកាកបាទក្រហម អឌ្ឍចន្ទក្រហម ដើម្បីជួយរំលែកទុក្ខលំបាកផ្សេងរបស់ជនទីទាល់ក្រលំបាកដែលត្រូវការជំនួយពីកាកបាទក្រហមជាចាំបាច់។ អគ្គនាយកក្រុមហ៊ុន ENARITA បានបញ្ជាក់បន្ថែមថា កាលពីពេលថ្មីកន្លងនេះ លោក និងលោកស្រី ក៏បានចូលរួមចំណែកបរិច្ចាគដល់សាខាកាកបាទក្រហម ខេត្តកំពង់ធំ ចំនួន ២,៥០០ដុល្លារផងដែរ ។
ក្នុងនាមក្រុមហ៊ុន ENARITAផ្ទាល់ ក៏បានបង្កើតឲ្យមានជាសមាគមន៍សប្បុរសធម៌ដានីយ៉ែល ដែលលោកផ្ទាល់ជាប្រធាន តែងតែនាំយកអំណោយសប្បុរសធម៌ផ្ទាល់ខ្លួន និងទទួលបានពីការបរិច្ចាគរបស់អតិថិជនក្រុមហ៊ុនENARITA ដើម្បីជួយដល់ប្រជាពលរដ្ឋក្រីក្រមួយចំនួន នៅតាមបណ្តាខេត្តផ្សេងៗផងដែរ។
ពិធីអបអរសាទរខួបលើកទី១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភាឆ្នាំនេះ ធ្វើឡើងក្រោមប្រធានបទ«ខ្ញុំស្រលាញ់កាកបាទក្រហមកម្ពុជា I Love Cambodian Red Cross»។ ទន្ទឹមនឹងការប្រារព្ធពិធីអបអរសាទរខួបលើកទី១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ហើយនោះ ក៏មានការអបអរខួប១០០ឆ្នាំ នៃការបង្កើតសហព័ន្ធអន្តរជាតិ នៃសមាគមកាកបាទក្រហម អឌ្ឍចន្ទក្រហម (១៩១៩-២០១៩) ផងដែរ។ ទិវានេះ ត្រូវបានប្រារព្ធឡើង ដើម្បីផ្សព្វផ្សាយអំពីសមិទ្ធផលសម្រេចបាន និងកៀងគររកមូលនិធិ ដើម្បីបន្ដប្រតិបត្ដិការសកម្មភាពមនុស្សធម៌ ជួយដល់ប្រជាពលរដ្ឋងាយរងគ្រោះបំផុត នៅទូទាំងប្រទេសកម្ពុជា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
