ជាតិ
សុខភាព
សម្ដេច ហ៊ុន សែន លើកទឹកចិត្តឲ្យពលរដ្ឋដាំបន្លែនៅជុំវិញផ្ទះ រូបភាពពីទំព័រហ្វេសប៊ុកផ្លូវការរបស់សម្ដេច ហ៊ុន សែន
× ភ្នំពេញ៖ នៅព្រឹកថ្ងៃអាទិត្យទី១២ ឧសភានេះ សម្តេចនាយករដ្ឋមន្ត្រីហ៊ុន សែន បានបង្ហោះរូបភាពមួយសន្លឹកជាមួយនឹងភរិយាដែលកំពុងដើរមើលដំណាំ បន្លែ ដែលដាំដុះ នៅក្នុងបរិវេណភូមិគ្រឹះរបស់ខ្លួន នៅឯក្រុងតាខ្មៅ។ អមជាមួយរូបភាពនេះ សម្ដេច ហ៊ុន សែន បានជំរុញប្រជាពលរដ្ឋឲ្យដាំបន្លែបង្កា នៅបរិវេញផ្ទះ សម្រាប់បរិភោគ។
សម្តេច ហ៊ុន សែន បានសរសេរដូច្នេះ៖«ខ្ញុំសូមជំរុញ និងលើកទឹកចិត្តដល់បងប្អូនប្រជាពលរដ្ឋ ដាំដុះដំណាំបន្លែបង្កាសម្រាប់ទទួលទានជុំវិញផ្ទះ ព្រោះជីជាតិដីប្រទេសយើង គឺអំណោយផលល្អណាស់ សម្រាប់ដំណាំកសិកម្ម។ ដាំដំណាំបន្លែផ្លែឈើគ្មានដាក់ជីគីមី គឺដើម្បីសុខភាពទាំងអស់គ្នា»។
ជាការកត់សម្គាល់ នៅរយៈពេលចុងក្រោយនេះ សម្ដេច នាយករដ្ឋមន្ត្រី តែងបង្ហោះរូបភាព ពីចម្ការបន្លែ និងផ្លែឈើ ដែលត្រូវបានដាំដុះនៅក្នុងភូមិគ្រឹះរបស់ខ្លួន៕
Tag:
ហ៊ុន សែន
បន្លែ
កសិកម្ម
គីមី
© រក្សាសិទ្ធិដោយ thmeythmey.com