​រង្វាន់​ដ៏​គួរ​ឲ្យ​ភ្ញាក់ផ្អើល​ដំបូង​គេ​បង្អស់ ត្រូវបាន​ប្រគល់ជូន​អ្នកមាន​សំណាង ដែល​ទៅ​មើល​ខ្សែភាពយន្ដ​នៅ រោងកុន Legend នៅ  Eden Gardens កាលពី​ថ្ងៃ​សុក្រ បន្ទាប់ពី​បាន​ចូលរួម​ទស្សនា​ខ្សែភាពយន្ត បែប​ភ័យរន្ធត់​របស់​ថៃ ដែលមាន​ចំណងជើង​ថា «​និស្ស័យ​ស្នេហ៍​អាប​»​។ 

 

​ទស្សនិកជន​ឈ្មោះ នី​ត យ៉ា​ណេ​ត ដែលមាន​អាយុ​១៨​ឆ្នាំ ដែល​ត្រូវបាន​ជ្រើសរើស​ដោយ​ចៃដន្យ​ដើម្បី​ក្លាយជា​អ្នកឈ្នះ​រង្វាន់​ទូរ​សព្ទ iPhone XR ដំបូង​គេ​បង្អស់ បាន​និយាយថា​៖ «​ខ្ញុំ​បាន​ប្រើប្រាស់​ប្រព័ន្ធ​ទូរស័ព្ទ​របស់​ក្រុមហ៊ុន Smart រយៈពេល​ពីរ​ឆ្នាំ​មកហើយ​។ ថ្ងៃនេះ ខ្ញុំ​ពិតជា​សប្បាយរីករាយ​ខ្លាំងណាស់ ដែល​បានឈ្នះ​ពានរង្វាន់​ទូរស័ព្ទ iPhone XR និង​មានការ​ភ្ញាក់ផ្អើល​ខ្លាំងណាស់ ព្រោះ​ខ្ញុំ​មិនដែល​ឈ្នះ​អ្វី​ដូចនេះ ពីមុន​នោះទេ​។ ក្រុមហ៊ុន Smart តែងតែ​លើ​កម្ពស់​វិស័យ​កម្សាន្ត​ផ្សេងៗ ដូចជា​ខ្សែភាពយន្ត និង​ការប្រគំ​តន្ត្រី​ជាដើម​»​។​

 

​លោក យ៉ា​ណេ​ត បាន​បន្ថែមទៀតថា​៖«​ក្រុមហ៊ុន Smart បានរៀបចំ​ការប្រគំ​តន្ត្រី​ជាច្រើន ហើយ​បាន​អញ្ជើញ​តារា​ល្បីៗ​ជាច្រើន នៅ​ទូទាំងប្រទេស​កម្ពុជា​ផងដែរ​។ ខ្ញុំ​សូម​អរគុណ​ដល់​ក្រុមហ៊ុន​Smart ដែល​បានផ្តល់​សេវា​អ៊ី​ធឺ​ណិ​ត​លឿន រហ័ស ដែល​អាច​ឲ្យ​យើង​ធ្វើ​ទំនាក់ទំនង​គ្នា បាន​យ៉ាង​ងាយស្រួល​»​។ 
 

​គួរបញ្ជាក់​ផង​ថា នៅ​ថ្ងៃ​ដដែល​នោះ ទូរ​សព្ទ iPhone XR មួយគ្រឿង​ទៀត ក៏​ត្រូវបាន​ប្រគល់ជូន​អ្នកឈ្នះ​រង្វាន់​ម្នាក់ទៀត​ផងដែរ នៅ​រោងកុន Major Cineplex នៅ​ផ្សា​ទំនើប Aeon 1 នៅ​ថ្ងៃ​ដំបូង​នៃ​ការ​បញ្ចាំង​ខ្សែភាពយន្ត​រឿង «Pokemon Detective Pikachu»​។ រង្វាន់​ដទៃទៀត ដែល​នឹងត្រូវ​ចែកជូន​ប្រចាំខែ​មានដូចជា iPhone XR ប័ណ្ណ​បញ្ចូល​ទឹកប្រាក់ Smart និង​រង្វាន់​ច្រើន​ទៀត​។​

 

​ក្រុមហ៊ុន Smart បាន​បញ្ជាក់ថា ខ្លួន​កំពុង​រៀបចំ​ព្រឹត្តិការណ៍​ពិសេសៗ​ជាច្រើន អំឡុង​ខួប​លើក​ទី ១០​ឆ្នាំ​របស់ខ្លួន ក្នុងឆ្នាំនេះ ដើម្បី​ថ្លែងអំណរគុណ​ចំពោះ​អតិថិជន ដែល​បាន​គាំទ្រ​ដ៏​ស្មោះស្ម័គ្រ​និង​ធ្វើ​ឲ្យ​ក្រុមហ៊ុន Smart ក្លាយជា​ប្រតិបត្តិ​ករ​ទូរស័ព្ទ​ចល័ត​ឈានមុខ​គេ​នៅ​កម្ពុជា​។​
 

​សម្រាប់​ព័ត៌មាន​បន្ថែម និង​កម្មវិធី​ថ្មីៗ ពី​ក្រុមហ៊ុន ​Smart Axiata សូម​ចូលទៅ​កាន់​ទំព័រ Facebook របស់ Smart តាមរយៈ www.facebook.com/SmartAxiata  ឬ​ចូលទៅ​កាន់​គេហទំព័រ www.smart.com.kh ៕