ជាតិ
សិស្សមានពិការភាពដែលជាប់បាក់ឌុបឆ្នាំនេះ អាចចូលរៀនបរិញ្ញាបត្រដោយឥតបង់ថ្លៃ
× ដើម្បីលើកទឹកចិត្តដល់សិស្សមានពិការភាព នៅក្នុងឆ្នាំសិក្សា២០១៩-២០២០នេះ សិស្សមានពិការភាព នឹងទទួលបានអាហារូបករណ៍១០០ភាគរយ ដើម្បីចូលរួមថ្នាក់បរិញ្ញាបត្រ នៅតាមបណ្តាគ្រឹះស្ថានឧត្តមសិក្សា ដែលមានក្នុងកូនសៀវភៅកម្រងព័ត៌មានអាហារូបករណ៍ ឆ្នាំ២០១៩-២០២០។ តាមសេចក្តីជូនដំណឹងរបស់ក្រសួងអប់រំ អាហារូបករណ៍ដោយស្វ័យប្រវត្តិនេះ គឺផ្តល់តែទៅលើមុខជំនាញណា ដែលមិនទាមទារការប្រលងប៉ុណ្ណោះ។
បើតាមក្រសួងអប់រំ ដើម្បីទទួលបានអាហារូបករណ៍ សិស្ស ត្រូវដាក់ពាក្យសុំអាហារូបករណ៍ និងប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំ២០១៩។ ពាក្យសុំអាហារូបករណ៍ សិស្សអាចទៅសុំពីវិទ្យាល័យដែលខ្លួនកំពុងសិក្សា និងត្រូវដាក់ពាក្យនៅតាមវិទ្យាល័យរបស់ខ្លួន យ៉ាងយូរត្រឹមថ្ងៃទី៣០ ខែឧសភា៕
© រក្សាសិទ្ធិដោយ thmeythmey.com