អន្តរជាតិ
×![]()
ដោយ: គី ចំណា
មានពាក្យ ឬឈ្មោះជាច្រើនដែលមនុស្សគ្រប់គ្នាឧស្សាហ៌យកមកប្រើប្រាស់ ប៉ុន្តែមិនសូវបានដឹងពីអត្ថន័យ ឬដើមកំណើតរបស់វាទេ។ ក្នុងនោះ «ប៉ាស៊ីហ្វិក» ជាឈ្មោះមហាសមុទ្រមួយ ដែលមានការនិយមប្រើប្រាស់ពីមនុស្សជាច្រើនលាននាក់។
យោងតាមប្រភពពីគេហទំព័រ oceanservice.noaa.gov ឈ្មោះ «ប៉ាស៊ីហ្វិក» នេះ ត្រូវបានបង្កើតឡើងដោយនាវិកជនជាតិព័រទុយហ្គាល់ដ៏ល្បីល្បាញម្នាក់ឈ្មោះថា Ferdinand Magellan ។ ការដាក់ឈ្មោះឲ្យមហាសមុទ្រដ៏ធំធេងមួយនេះ បានធ្វើឡើងអំឡុងពេលលោកធ្វើដំណើរផ្សងព្រេងទៅកាន់ប្រជុំកោះនៅក្នុងប្រទេសឥណ្ឌូណេស៊ីកាលពីឆ្នាំ១៥២០ តាមរយៈរដ្ឋាភិបាលអេស្ប៉ាញ ក្នុងគោលដៅរុករកគ្រឿងទេស។
នេះគឺជាដំណើររឿងនៃការដាក់ឈ្មោះមហាសមុទ្រមួយនេះ។ ចេញពីកំពង់ផែអេស្ប៉ាញ ដោយបើកកាត់តាមអាមេរិកខាងត្បូង នាវាលោក Ferdinand បានជួបប្រទះនឹងព្យុះសមុទ្រយ៉ាងកាចសាហាវ ក្នុងមហាសមុទ្រអាត្លង់ទិច។ ក្រោយមក ខណៈឆ្លងផុតផ្លូវសមុទ្រ Strait of Magellan (ដាក់ឈ្មោះតាមលោក Ferdinand Magellan នេះឯង) លោកបានធ្វើដំណើរទៅដល់មហាសមុទ្រដ៏ធំ ដែលគ្មានឈ្មោះមួយ។
ដោយឃើញមានអាកាសធាតុល្អ និងរលកសមុទ្រតូចៗ លោក Magellan បានដាក់ឈ្មោះសមុទ្រនេះថា «Mar Pacifico» មានន័យជាភាសាអង់គ្លេសថា Peaceful និង Calmness ដែលមានន័យជាភាសាខ្មែរថា «សន្តិភាព» និង «ភាពស្ងាត់ស្ងៀម»។ សូមបញ្ជាក់ថា សមុទ្រប៉ាស៊ីហ្វិក មានទំហំប្រមាណ ១៥២លានគីឡូម៉ែត្រការ៉េ៕
Tag:
ប៉ាស៊ីហ្វិក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
