កីឡាជាតិ
ជាតិ
កីឡាការិនីកម្ពុជា(អាវស)ព្យាយាមប្រជែងដណ្តើមបាល់ជាមួយកីឡាការិនីថៃ, រូបភាពពីហ្វេសប៊ុក FFC
×![]()
ក្រុមកីឡាការិនីជម្រើសជាតិអាយុក្រោម១៥ឆ្នាំកម្ពុជា បាត់បង់ឱកាសប្រជែងដណ្តើមកៅអីឡើងទៅវគ្គបន្តពានរង្វាន់ AFF U15 Girl Championship 2019 ក្រោយចាញ់ថៃ ៤-០ នាជំនួបលើកទី៣កាលពីល្ងាចថ្ងៃទី១៣ ឧសភា។ នេះជាបរាជ័យ៣លើកជាប់គ្នារបស់កម្ពុជា។ 
ក្រោយបរាជ័យជាបន្តបន្ទាប់ក្រោមថ្វីជើងសិង្ហបុរីនិងម៉ាឡេស៊ីក្នុងលទ្ធផល ២-១ ដូចគ្នារួចមក ក្រុមកីឡាការិនីជម្រើសជាតិអាយុក្រោម១៥ឆ្នាំកម្ពុជាបន្តចាញ់ក្រុមកីឡាការិនីម្ចាស់ផ្ទះថៃក្នុងលទ្ធផល ៤-០។ តាមរយៈលទ្ធផលមិនគាប់ប្រសើរនេះ នាំឲ្យកម្ពុជាធ្លាក់ចេញពីព្រឹត្តិការណ៍ AFF U15 Girl Championship 2019 ទោះបីនៅសល់មួយប្រកួតទៀតក៏ដោយ។
សម្រាប់ជំនួបបន្ទាប់ ក្រុមកីឡាការិនី U15 កម្ពុជា ត្រូវប្រកួតបង្គ្រប់កិច្ចជាមួយក្រុមកីឡាការិនីជម្រើសជាតិឡាវ នៅថ្ងៃទី១៥ ខែឧសភា ឆ្នាំ២០១៩ នាវេលាម៉ោង៣រសៀល(ម៉ោងនៅកម្ពុជា) មុនម៉ាឡេស៊ី ប៉ះ ថៃនៅម៉ោង៦ល្ងាច។
សម្រាប់ការប្រកួតវគ្គជម្រុះពូល B កាលពីថ្ងៃចន្ទ នោះដែរ ក្រុមកីឡាការិនី U15 ឡាវ លត់ U15 សិង្ហបុរីក្នុងលទ្ធផល ៧-០។ នៅថ្ងៃទី១៤ ខែឧសភា ឆ្នាំ២០១៩នេះ មានការប្រកួតពីរគូក្នុងពូល A ដោយមីយ៉ាន់ម៉ាស្វាគមន៍វៀតណាមនៅម៉ោង៣រសៀល(ម៉ោងនៅកម្ពុជា)មុនហ្វីលីពីនតទល់ជាមួយទីម័រខាងកើតនៅម៉ោង៦ល្ងាច៕
Tag:
AFF U15 Girl Championship 2019
© រក្សាសិទ្ធិដោយ thmeythmey.com
