ចប់​ការប្រគំ​តន្ត្រី​«​សប្បុរសធម៌ អុី​ណា​រីតា​»​តារា​សិល្បៈ​ចុះ​ចែក​អំណោយ​ភ្លាមៗ​ដល់​ពលរដ្ឋ​នៅ​សៀមរាប
អត្ថបទពាណិជ្ជកម្ម
ចប់​ការប្រគំ​តន្ត្រី​«​សប្បុរសធម៌ អុី​ណា​រីតា​»​តារា​សិល្បៈ​ចុះ​ចែក​អំណោយ​ភ្លាមៗ​ដល់​ពលរដ្ឋ​នៅ​សៀមរាប
16, May 2019 , 11:17 am        
រូបភាព
ដោយ: ថ្មីៗ
​ការប្រគំ​«​តន្ត្រី​សប្បុរសធម៌ អុី​ណា​រីតា​»​ដែល​បានរៀបចំ​កាលពី​ថ្ងៃទី​១៤ ខែឧសភា​កន្លងទៅ នៅ​វិទ្យាល័យ​ក្រឡាញ់ ក្នុងស្រុក​ក្រឡាញ់ ខេត្តសៀមរាប មានការ​ចូលរួម​ពី តារា​ចាស់​ក្មេង​ល្បីៗ​ជាច្រើន រួមមាន លោក ខេ​ម​, លោក គូ​ម៉ា​, នាយ​គ្រឿន​, កញ្ញា ផន ស្រី​ខួច​, លោក ឃុន វត្ថា​, លោក សៅ ឧ​ត្ត​ម​, លោក BIG និង​លោក ម៉ា​ដូ​ណា ជាដើម​។ ការប្រគំ​តន្ត្រី​នេះ បានទទួល​ជោគជ័យ​យ៉ាងខ្លាំង ដោយ​ទទួលបាន​ថវិកា​ប្រមាណ​ជាង​៣​ម៉ឺន​ដុល្លារ​។ មួយថ្ងៃ​ក្រោយ​ការប្រគំ​តន្ត្រី​បញ្ចប់ ក្រុម​សិល្បករ​បាន​នាំយក​ថវិកា​ដែល​ទទួលបាន ទៅ​ចែកជូន​ប្រជាពលរដ្ឋ​ចំនួន​៤០០​គ្រួសារ ដែលមាន​ជីវភាព​ខ្វះខាត​។​
 
​លោក ឌី​ម សួន​ណាត និង លោកស្រី ម៉ក់ សុភ​ក្ត្រ័  អគ្គនាយក​ក្រុមហ៊ុន ENARITA បាន​ថ្លែង​បញ្ជាក់ថា ក្រោយ​បញ្ចប់​ការប្រគំ​តន្ត្រី ថវិកា​សប្បុរសធម៌​ដែល​ទទួលបាន​ការបរិច្ចាគ​របស់​ភ្ញៀវ​ចូល​ទស្សនា​ទទួល​បានតែ​បន្តិចបន្តួច​ប៉ុណ្ណោះ​។ ឃើញ​ដូចនេះ អតិថិជន​អ្នកទិញ​ដី​ឡូ​តិ៍​គ្រប់​ខេត្ត​ក្រុង​របស់​ក្រុមហ៊ុន បាន​រួមគ្នា​រៃអង្គាស​បន្ថែម​ទទួល​ជិត​២​ម៉ឺន​ដុល្លារ ហើយ​ក្រុមហ៊ុន អុីណា​រី​ណា បាន​បំពេញបន្ថែម​ដល់​ជាង​៣​ម៉ឺន​ដុល្លារ ដើម្បី​ឲ្យ​ថវិកា​ទាំងមូល​មាន​ចំនួន​ច្រើន​គួរសម ក្នុង​គម្រោង​ចាត់ចែង​ជួយ​ដល់​សង្គម​។ 


 
​អគ្គនាយក​ក្រុមហ៊ុន ENARITA បាន​ដឹកនាំ​តារា​សិល្បៈ​ចុះ​ចែក​អំណោយ​ដោយផ្ទាល់ ដែល​អំណោយ​ទាំងនោះ រួមមាន​គ្រឿង​ឧបភោគបរិភោគ និង​ថវិកា​មួយចំនួន​ជូន​ដល់​ប្រជាពលរដ្ឋនៅក្នុង​សហគមន៍​ស្រុក​ក្រឡាញ់ ខេត្តសៀមរាប ប្រមាណ​៤០០​គ្រួសារ និង​សិស្សានុសិស្ស ជាង​១០០០​នាក់ ដើម្បី​បង្ហាញ​សាធារណជន​ថា ក្រុមហ៊ុន ENARITA ក្រោយ​បើក​ប្រគំ​តន្ត្រី​ហើយ គឺ​ទោះជា​ទទួលបាន​ថវិកា​ជាក់ស្ដែង​តិច ឬ​ច្រើន ក៏​ត្រូវតែ​ដឹកនាំ​តារា​សិល្បៈ​ចុះ​ធ្វើ​សកម្មភាព​សប្បុរសធម៌​ភ្លាមៗ​ដែរ​។​


 
​អ្វីដែល​លោក​សប្បាយចិត្ត គឺ​បានឃើញ​តារា​សិល្បៈ និង​សប្បុរសជន សុទ្ធ​តែមាន​ឆន្ទៈ ក្នុង​ការជួយ​សង្គម តាមរយៈ​ការចូលរួម​រួម​ច្រៀង​រាំ ការបរិច្ចាគ​ថវិកា និង​ការចុះ​ចែក​អំណោយ ដែល​ក្រុមហ៊ុន​ចាត់ចែង ហើយ​មានការ​ពួតដៃគ្នា បាន​យ៉ាង​ល្អ​នោះ​តែម្ដង​។ បើតាម​លោក អគ្គនាយក​ក្រុមហ៊ុន ENARITA ថវិកា​សប្បុរស​ដែល​សល់​ពី​កញ្ចប់​ចែកចាយ​ដល់​សហគម​ខ្វះខាត​នៅ​ក្រឡាញ់ ត្រូវបាន​ក្រុមការងារ ក៏​ដូច​អ្នកសិល្បៈ បន្ត​នៅក្នុង​សកម្មភាព​សប្បុរសធម៌​បន្តទៀត​។  


 
​គួរ​បញ្ចា​ក់ថា លោក​ឌី​ម សួន​ណាត និង លោកស្រី ម៉ក់ សុភ​ក្ត្រ័ អគ្គនាយក​ក្រុមហ៊ុន ENARITA ទើបតែ​បាន​បរិច្ចាគ​ថវិកា​ផ្ទាល់ខ្លួន ចំនួន​១​ម៉ឺន​ដុល្លារ កាល​ពេល​ថ្មីៗ​នេះ ជូន​ដល់​កាកបាទក្រហមកម្ពុជា​ផងដែរ​៕














 
(​អត្ថបទ​ពាណិជ្ជកម្ម​)

© រក្សាសិទ្ធិដោយ thmeythmey.com
អត្ថបទពេញនិយម