ព្រឹត្តិការណ៍នេះ ចាប់ផ្តើមតាមរយៈការចាក់បញ្ចាំងរឿង The Dead Don’t Die របស់សមិទ្ធករអាមេរិក Jim Jarmusch ដោយមានការចូលរួមសំដែងពីសំណាក់តារាចម្រៀង Selena Gomez ដ៏ល្បីល្បាញផងដែរ។
ក្រៅពីលោក ប៉ាន់ រិទ្ធី ដែលទទួលបន្ទុកជាប្រធានគណៈមេប្រយោគពានរង្វាន់ «កាមេរ៉ាមាស» លោក Alejandro Gozalez Inarritu ជាប្រធានមេប្រយោគពានរង្វាន់ខ្នាតវែង (Feature Films) លោកស្រី Nadine Labaki ទទួលខុសត្រូវផ្នែកពានរង្វាន់ Un Certain Regard ខណៈលោកស្រី Claire Denis ទទួលបន្ទុកផ្នែកពានរង្វាន់ Short Films និង Cinefondation។
រឿងដែលប្រកួតប្រជែងពានរង្វាន់ភាពយន្តខ្នាតវែងមាន២១រឿង ដោយភាគច្រើនជារឿងបារាំង និងអាមេរិក។ រឿង Parasite របស់កូរ៉េខាងត្បូង និងរឿង The Wild Goose Lake របស់ចិន ក៏ស្ថិតក្នុងចំណោមរឿងទាំង២១ដែលត្រូវប្រកួតប្រជែងពាននេះផងដែរ។ ១៨រឿង ត្រូវប្រកួតប្រជែងពាន Un Certain Regard និង១១រឿងសម្រាប់ពានភាពយន្តខ្នាតខ្លី រួមទាំងការប្រកួតប្រជែងពានរង្វាន់ជាច្រើនទៀត។
ពានឯកត្តជន និងក្រុម នៅក្នុងព្រឹត្តិការណ៍ Festival de Cannes រួមមាន Palme d'Or, Grand Prix, Best Director Award, Best Actor Award, Best Actress Award, Best Screenplay Award, Jury Prize, Short Film Palme d'Or, Un Certain Regard, Cinéfondation និង Caméra d'Or៕