ជាតិ
សង្គមជាតិ
ទស្សនាមជ្ឈមណ្ឌលអភិរក្សអណ្តើក និងកន្ធាយមេគង្គ ស្មើនឹងលោក-អ្នកចូលរួមអភិរក្សផងដែរ
លោក ប្រាន់ ស៊ីណាល់ ក្នុងពេលកំពុងជូនដំណើរគូស្នេហ៍ ស្វ៊ីស-បារាំង ដើរទស្សនិកិច្ចនៅក្នុងមជ្ឈមណ្ឌលអភិរក្សអណ្តើក កន្ធាយមេគង្គ។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ។
×![]()
លោក ប្រាន់ ស៊ីណាល់ អាយុ ៣៣ឆ្នាំ ជាអ្នកគ្រប់គ្រងមជ្ឈមណ្ឌលអភិរក្សអណ្តើក និងកន្ធាយមេគង្គ ដែលមានទីតាំងក្នុងវត្តព្រះវិហារធំសសរ១០០ ស្ថិតក្នុងភូមិសំបូរ ឃុំសំបូរ ស្រុកសំបូរ ខេត្តក្រចេះ មានចម្ងាយប្រហែល ៣២គីឡូម៉ែត្រ នាភាគខាងជើងទីរួមខេត្ត។ មជ្ឈមណ្ឌលនេះ ត្រូវបានបង្កើតឡើងក្នុងឆ្នាំ ២០១១ ដោយអង្គការអភិរក្សអន្តរជាតិ (CI) ក្នុងគោលបំណងដើម្បីអភិរក្សប្រភេទសត្វអណ្តើក-កន្ធាយទន្លេមេគង្គ ដែលជិតផុតពូជមួយចំនួន ដូចជាកន្ធាយក្បាលកង្កែប ឬល្មេចជាដើម ដែលវាអាចលូតលាស់រហូតដល់ទម្ងន់អតិបរមា រាប់រយគីឡូក្រាម។ 
ការងារចម្បងរបស់មជ្ឈមណ្ឌល គឺការអប់រំផ្សព្វផ្សាយដល់ប្រជានេសាទក្នុងតំបន់ ដែលមានអណ្តើក កន្ធាយទន្លេមេគង្គរស់នៅឲ្យយល់ដឹង និងជួយអភិរក្ស ដោយវាជាប្រភេទសត្វកម្រ និងជិតផុតពូជ។ ក្នុងនោះផងដែរ មជ្ឈមណ្ឌលក៏មានបង្កាត់ និងភ្ញាស់ស៊ុតដែលប្រមូលបានមកពីធម្មជាតិ ក្នុងតំបន់ដែលវារស់នៅតាមបណ្តោយទន្លេមេគង្គ រួចថែបំប៉នរហូតដល់វាលូតលាស់ធំល្មម ហើយក៏យកវាទៅលែងឲ្យត្រឡប់ចូលទៅរស់នៅក្នុងធម្មជាតិវិញ។
លោក ប្រាន់ ស៊ីណាល់ កំពុងលើកបង្ហាញអណ្តើកមួយគូ ដល់ភ្ញៀវទេសចរអន្តរជាតិ និងអ្នកយកព័ត៌មានពី National Geographic នៅក្នុងមជ្ឈមណ្ឌលអភិរក្សអណ្តើក កន្ធាយមេគង្គ។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ។
ក្រោយការចាកចេញរបស់អង្គការអង្គការអភិរក្សអន្តរជាតិ (CI) ចាប់តាំងឆ្នាំ ២០១៥ រហូតមកដល់បច្ចុប្បន្ននេះ ស៊ីណាល់ នៅតែគ្រប់គ្រងមជ្ឈមណ្ឌលបន្ត តែការចំណាយគ្រប់បែបយ៉ាង ព្រមទាំងប្រាក់បៀវត្សសម្រាប់គាត់ និងសម្រាប់បុគ្គលិកចំនួនបីនាក់ទៀត បូករួមទាំងការចំណាយលើការទិញចំណីសម្រាប់អណ្តើក-កន្ធាយទាំងអស់ ព្រមទាំងការចំណាយផ្សេងៗ ទាំងលើការអភិវឌ្ឍមជ្ឈមណ្ឌល និងការអប់រំផ្សព្វផ្សាយផងដែរនោះ ត្រូវធ្លាក់មកលើស៊ីណាល់ ជាអ្នកទទួលបន្ទុក។ ជាទូទៅ ចំណីសម្រាប់អណ្តើក កន្ធាយ មានដូចជា៖ ចេក ផ្លែឈើគ្រប់ប្រភេទ កំពឹស ក្តាមជាដើម។
ស៊ីណាល់និយាយថា៖ «ថវិកាសម្រាប់ទ្រទ្រង់មជ្ឈមណ្ឌលសព្វថ្ងៃនេះ គឺបានមកពីភ្ញៀវជាតិ និងអន្តរជាតិ ចូលទស្សនាមជ្ឈមណ្ឌល»។ មជ្ឈមណ្ឌល បើកឲ្យភ្ញៀវទេសចរចូលទស្សនា ចាប់ពីម៉ោង ៨ ៣០នាទីព្រឹក ដល់ម៉ោង ៤ ៣០ល្ងាច ដោយបើក ៧ថ្ងៃក្នុងមួយសប្តាហ៍ បូករួមទាំងថ្ងៃឈប់សម្រាកផ្សេងៗផងដែរ។
ចំពោះតម្លៃសំបុត្រចូលទស្សនា៖ ភ្ញៀវជាតិ តម្លៃ ១៥០០ (មួយពាន់ប្រាំរយរៀល) ភ្ញៀវអន្តរជាតិ តម្លៃ ៤ដុល្លា។ ប្រាក់ចំណូលទាំងអស់ ក្រៅពីសម្រាប់ចំណាយលើប្រាក់បៀវត្ស ចំណីសម្រាប់អណ្តើក-កន្ធាយទាំងអស់ ព្រមទាំងការចំណាយផ្សេងៗ លើការអភិវឌ្ឍ និងការអប់រំផ្សព្វផ្សាយ និងមួយផ្នែកសម្រាប់ប្រគេនព្រះសង្ឃ និងជូនគណៈកម្មការវត្តសសរមួយរយ ក្នុងឪកាសបុណ្យចូលឆ្នាំ ជាប្រចាំឆ្នាំផងដែរ។
ជាកន្លែងមួយដែលទាក់ទាញភ្ញៀវទេសចរមួយប្រចាំខេត្ត នៅទីនេះ ក៏មានរូបភាពប្រភេទសត្វអណ្តើក កន្ធាយ ដែលមានដើមកំណើតនៅប្រទេសកម្ពុជាចំនួន ១៥ប្រភេទ ដែលភាគច្រើនជាប្រភេទជិតផុតពូជ សម្រាប់បង្ហាញភ្ញៀវទេសចរ ដែលចង់ស្វែងយល់បន្ថែមផងដែរ។ ការចូលទៅទស្សនាមជ្ឈមណ្ឌល ស្មើនឹងលោក-អ្នកកំពុងចូលរួមក្នុងកិច្ចការអភិរក្សប្រភេទសត្វកម្រជិតផុតពូជ ជាមួយ ស៊ីណាល់ ផងដែរ។
ដោយសកម្មក្នុងកិច្ចការងារអភិរក្ស ស៊ីណាល់ ត្រូវបានជ្រើសរើសជា «វីរបុរសអភិរក្សទន្លេមេគង្គ» ដែលជាផ្នែកមួយនៃគំនិតផ្តួចផ្តើម និងឧបត្ថម្ភថវិកាដោយទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ (USAID) ប្រតិបត្តិដោយគម្រោង «អច្ឆរិយភាពនៃទន្លេមេគង្គ» ផងដែរ៕
ការងារចម្បងរបស់មជ្ឈមណ្ឌល គឺការអប់រំផ្សព្វផ្សាយដល់ប្រជានេសាទក្នុងតំបន់ ដែលមានអណ្តើក កន្ធាយទន្លេមេគង្គរស់នៅឲ្យយល់ដឹង និងជួយអភិរក្ស ដោយវាជាប្រភេទសត្វកម្រ និងជិតផុតពូជ។ ក្នុងនោះផងដែរ មជ្ឈមណ្ឌលក៏មានបង្កាត់ និងភ្ញាស់ស៊ុតដែលប្រមូលបានមកពីធម្មជាតិ ក្នុងតំបន់ដែលវារស់នៅតាមបណ្តោយទន្លេមេគង្គ រួចថែបំប៉នរហូតដល់វាលូតលាស់ធំល្មម ហើយក៏យកវាទៅលែងឲ្យត្រឡប់ចូលទៅរស់នៅក្នុងធម្មជាតិវិញ។
លោក ប្រាន់ ស៊ីណាល់ កំពុងលើកបង្ហាញអណ្តើកមួយគូ ដល់ភ្ញៀវទេសចរអន្តរជាតិ និងអ្នកយកព័ត៌មានពី National Geographic នៅក្នុងមជ្ឈមណ្ឌលអភិរក្សអណ្តើក កន្ធាយមេគង្គ។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ។
ក្រោយការចាកចេញរបស់អង្គការអង្គការអភិរក្សអន្តរជាតិ (CI) ចាប់តាំងឆ្នាំ ២០១៥ រហូតមកដល់បច្ចុប្បន្ននេះ ស៊ីណាល់ នៅតែគ្រប់គ្រងមជ្ឈមណ្ឌលបន្ត តែការចំណាយគ្រប់បែបយ៉ាង ព្រមទាំងប្រាក់បៀវត្សសម្រាប់គាត់ និងសម្រាប់បុគ្គលិកចំនួនបីនាក់ទៀត បូករួមទាំងការចំណាយលើការទិញចំណីសម្រាប់អណ្តើក-កន្ធាយទាំងអស់ ព្រមទាំងការចំណាយផ្សេងៗ ទាំងលើការអភិវឌ្ឍមជ្ឈមណ្ឌល និងការអប់រំផ្សព្វផ្សាយផងដែរនោះ ត្រូវធ្លាក់មកលើស៊ីណាល់ ជាអ្នកទទួលបន្ទុក។ ជាទូទៅ ចំណីសម្រាប់អណ្តើក កន្ធាយ មានដូចជា៖ ចេក ផ្លែឈើគ្រប់ប្រភេទ កំពឹស ក្តាមជាដើម។
ស៊ីណាល់និយាយថា៖ «ថវិកាសម្រាប់ទ្រទ្រង់មជ្ឈមណ្ឌលសព្វថ្ងៃនេះ គឺបានមកពីភ្ញៀវជាតិ និងអន្តរជាតិ ចូលទស្សនាមជ្ឈមណ្ឌល»។ មជ្ឈមណ្ឌល បើកឲ្យភ្ញៀវទេសចរចូលទស្សនា ចាប់ពីម៉ោង ៨ ៣០នាទីព្រឹក ដល់ម៉ោង ៤ ៣០ល្ងាច ដោយបើក ៧ថ្ងៃក្នុងមួយសប្តាហ៍ បូករួមទាំងថ្ងៃឈប់សម្រាកផ្សេងៗផងដែរ។
ចំពោះតម្លៃសំបុត្រចូលទស្សនា៖ ភ្ញៀវជាតិ តម្លៃ ១៥០០ (មួយពាន់ប្រាំរយរៀល) ភ្ញៀវអន្តរជាតិ តម្លៃ ៤ដុល្លា។ ប្រាក់ចំណូលទាំងអស់ ក្រៅពីសម្រាប់ចំណាយលើប្រាក់បៀវត្ស ចំណីសម្រាប់អណ្តើក-កន្ធាយទាំងអស់ ព្រមទាំងការចំណាយផ្សេងៗ លើការអភិវឌ្ឍ និងការអប់រំផ្សព្វផ្សាយ និងមួយផ្នែកសម្រាប់ប្រគេនព្រះសង្ឃ និងជូនគណៈកម្មការវត្តសសរមួយរយ ក្នុងឪកាសបុណ្យចូលឆ្នាំ ជាប្រចាំឆ្នាំផងដែរ។
ជាកន្លែងមួយដែលទាក់ទាញភ្ញៀវទេសចរមួយប្រចាំខេត្ត នៅទីនេះ ក៏មានរូបភាពប្រភេទសត្វអណ្តើក កន្ធាយ ដែលមានដើមកំណើតនៅប្រទេសកម្ពុជាចំនួន ១៥ប្រភេទ ដែលភាគច្រើនជាប្រភេទជិតផុតពូជ សម្រាប់បង្ហាញភ្ញៀវទេសចរ ដែលចង់ស្វែងយល់បន្ថែមផងដែរ។ ការចូលទៅទស្សនាមជ្ឈមណ្ឌល ស្មើនឹងលោក-អ្នកកំពុងចូលរួមក្នុងកិច្ចការអភិរក្សប្រភេទសត្វកម្រជិតផុតពូជ ជាមួយ ស៊ីណាល់ ផងដែរ។
ដោយសកម្មក្នុងកិច្ចការងារអភិរក្ស ស៊ីណាល់ ត្រូវបានជ្រើសរើសជា «វីរបុរសអភិរក្សទន្លេមេគង្គ» ដែលជាផ្នែកមួយនៃគំនិតផ្តួចផ្តើម និងឧបត្ថម្ភថវិកាដោយទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ (USAID) ប្រតិបត្តិដោយគម្រោង «អច្ឆរិយភាពនៃទន្លេមេគង្គ» ផងដែរ៕
© រក្សាសិទ្ធិដោយ thmeythmey.com
