រដូវវស្សាចាប់ផ្ដើមហើយ ខ្យល់ផ្គរន្ទះអាចបន្តកើតឡើងច្រើនជាងមុន

ជាតិ

រដូវវស្សាចាប់ផ្ដើមហើយ ខ្យល់ផ្គរន្ទះអាចបន្តកើតឡើងច្រើនជាងមុន

18, May 2019 , 10:29 pm

រូបភាព

ដោយ: ឡាយ សុភាវតី

ស្ថានភាពអាកាសធាតុកម្ពុជាបានថយចុះពីការរងឥទ្ធិពលបាតុភូត EI Nino ជាបន្តបន្ទាប់។ ដើមសប្ដាហ៍ទី៣ នៃខែឧសភាពនេះ ស្ថានភាពអាកាសធាតុកម្ពុជានឹងចាប់ផ្ដើមដល់រដូវវស្សា។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយមនៅថ្ងៃទី១៨ឧសភា ឆ្នាំ២០១៩។

ស្ថានភាពអាកាសធាតុនៅទី១៩ដល់២០ខាងមុខនេះ រាជធានីខេត្តមួយចំនួននឹងមានភ្លៀងធ្លាក់កម្រិតពីខ្សោយទៅមធ្យម។ ចាប់ពីថ្ងៃទី២១ដល់២៥ នឹងមានភ្លៀងធ្លាក់កើនឡើងពីមធ្យមទៅបង្គួរ និងភ្លៀងមានសភាពរាយប៉ាយច្រើន។ ទន្ទឹមនឹងនេះ ស៊ីតណ្ហភាពអតិបរមាស្ថិតក្នុងចន្លោះពី ៣៣ទៅ៣៦អង្សា។ អំឡុងពេលនេះដែរ កម្ពុជានឹងមានបាតុភូត Thunderstorm ផ្គររន្ទះ និងខ្យល់កន្ត្រាក់ នៅតែបន្តកើតមានច្រើន៕