កីឡាអន្តរជាតិ
អន្តរជាតិ
Arnold ត្រូវបានគេលោតធាក់ក្នុងព្រឹត្តិការណ៍កីឡាមួយនៅអាហ្វ្រិកខាងត្បូង
×![]()
ដោយ: ថ្មីៗ
លោក Arnold Schwarzenegger បានចូលរួមព្រឹត្តិការណ៍កីឡាមួយនៅអាហ្វ្រិកខាងត្បូង កាលពីថ្ងៃសៅរ៍ ទី១៨ ខែឧសភា។ ខណៈកំពុងជួបក្រុមអ្នកគាំទ្រ តារាភាពយន្ត និងជាអតីតអភិបាលរដ្ឋ California រូបនេះ ត្រូវបានម្នាក់លោតធាក់ចំពីក្រោយ។
«គ្មានអ្វីដែលត្រូវព្រួយបារម្ភនោះឡើយ»។ នេះជាការអះអាងរបស់លោក Arnold នៅលើ Twitter របស់ខ្លួន ក្រោយលោកបានឃើញសកម្មភាពបុរសម្នាក់លោតធាក់ខ្លួនចំពីក្រោយខ្នង។ ក្រោយឃើញរូបវីដេអូ តួឯកក្នុងខ្សែភាពយន្ត Terminator រូបនេះ បានរៀបរាប់បែបកំប្លែងថា ករណីខាងលើមិនបានរំខានដល់ការលេងបណ្តាញសង្គម Snapchat របស់លោកឡើយ។
ឃ្លីបវីដេអូ បានបង្ហាញឲ្យឃើញថា Arnold វ័យ៧១ឆ្នាំ នៅមានរក្សាជំហររឹងប៉ឹង ទោះបីរងការធាក់យ៉ាងពេញទំហឹងពីក្រោយខ្នង ស្របពេលដែលលោកជួបក្រុមអ្នកគាំទ្រនៅមណ្ឌល Arnold Classic Africa ក្រុង Johannesburg នាព្រឹត្តិការណ៍កាយសម្ព័ន្ធមួយ៕
© រក្សាសិទ្ធិដោយ thmeythmey.com
