ជាតិ
សង្គមជាតិ
អចលនទ្រព្យ
JICA និងសាធារណការរាជធានី សិក្សាគម្រោងបង្កើតរោងចក្រចម្រាញ់ទឹកស្អុយនៅតំបន់ជើងឯក រូបភាពពី មន្ទីរសាធារណការ និងដឹកជញ្ជូនរាជធានីភ្នំពេញ
× ភ្នំពេញ៖ ក្រុមសិក្សាបច្ចេកទេសភ្នាក់ងារសហប្រតិបត្តិការអន្តរជាតិជប៉ុន(JICA) កំពុងសិក្សាជាមួយមន្ទីរសាធារណការ និងដឹកជញ្ជូនរាជធានីភ្នំពេញ ពាក់ព័ន្ធនឹងគម្រោងបង្កើតរោងចក្រចម្រាញ់ទឹកស្អុយនៅតំបន់ជើងឯក ដោយគម្រោងនេះនឹងត្រូវចំណាយទឹកប្រាក់២៧លានដុល្លារ ។
លោក សាំ ពិសិទ្ធ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានប្រាប់អ្នកសារព័ត៌មាន ThmeyThmey តាមទូរសព្ទថា សម្រាប់គម្រោងសាងសង់រោងចក្រចម្រាញ់ទឹកស្អុយនេះ ក្រុមការងាររបស់លោកកំពុងតែសិក្សាផ្នែកបច្ចេកទេសនៅឡើយ ដូច្នេះមិនទាន់ប្រាកដថានឹងគ្រោងបង្កើតនៅពេលណាឡើយ។ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់យ៉ាងខ្លីថា៖«ដោយសារយើងមិនទាន់មានរោងចក្រចម្រាញ់ទឹកស្អុយនោះទេ ដូច្នេះយើងត្រូវតែបង្កើតឡើង ដើម្បីការពារបរិស្ថានរបស់យើង»។
សកម្មភាព ក្រុមការងារបច្ចេកទេសមន្ទីរសាធារណការ និងដឹកជញ្ជូនរាជធានីភ្នំពេញ ពិភាក្សាជាមួយក្រុមសិក្សាបច្ចេកទេសអង្គការ JICA ស្តីពីគម្រោងសាងសង់រោងចក្រចម្រាញ់ទឹកស្អុយនៅរាជធាន
សូមបញ្ជាក់ថា នៅរាជធានីភ្នំពេញមានប្រព័ន្ធបង្ហូរទឹកភ្លៀង បណ្តាញលូមូល លូប្រអប់ លូជ្រុង អណ្តូងលូគ្រប់ប្រភេទ ប្រឡាយចំហរបង្ហូរទឹកភ្លៀង ប្រឡាយបេតុង និងស្ថានីយបូមទឹកជុំវិញរាជធានីភ្នំពេញមានចំនួន១៤ស្ថានីយ៕
© រក្សាសិទ្ធិដោយ thmeythmey.com