តើអ្នកបានត្រៀមខ្លួនធ្វើជាម្តាយដែលមានសុខភាពល្អហើយឬនៅ? ជាការពិតណាស់ ការត្រៀមខ្លួនរួចរាល់នៅអំឡុងពេលពពោះ មុនពេល និងក្នុងពេលសម្រាល ព្រមទាំងរបៀបថែទាំទារកក្រោយសម្រាល គឺជារឿងចាំបាច់ណាស់ដែលអ្នកម្តាយដែលកំពុងពពោះសម័យថ្មី ពិសេសស្ត្រីៗពពោះលើកដំបូង គួរតែយល់ដឹង។ ដើម្បីចូលរួមចំណែកលើកកម្ពស់ការយល់ដឹងអំពីការថែទាំសុខភាពមាតា និងទារក និងចូលរួមជំរុញ និងលើកកម្ពស់ការបំបៅកូនដោយទឹកដោះ ហាងលក់សម្ភារកុមារធំជាងគេនៅកម្ពុជា បេប៊ី អោតឡេត និងផលិតផលដបទឹកដោះហេហ្គេន បានធ្វើជាអ្នកឧបត្ថម្ភធំ នៅក្នុងសិក្ខាសាលាត្រៀមធ្វើជាអ្នកម្តាយដែលមានសុខភាពល្អ ដែលរៀបចំឡើងដោយ មន្ទីររ៉ូយ៉ាល់ភ្នំពេញ ។
សិក្ខាសាលានេះ ត្រូវរៀបចំរៀងរាល់ខែ ដោយបែងចែកថ្នាក់រៀនជាពីរថ្នាក់ គឺមួយថ្នាក់សម្រាប់អ្នកម្តាយពពោះកូនពី១ខែ ដល់៧ខែ និងថ្នាក់មួយទៀតសម្រាប់អ្នកម្តាយពពោះកូនពី៨ខែ រហូតដល់សម្រាល។
ដើម្បីជ្រាបច្បាស់ថាតើហេតុអ្វីស្ត្រីពពោះ ត្រូវតែចូលរួមសិក្ខាសាលនេះ ហើយតើវាមានគុណប្រយោជន៍សំខាន់យ៉ាងណាសម្រាប់សុខភាពមានតា និងទារកនោះ សូមអញ្ជើញទស្សនាកិច្ចសម្ភាសខាងក្រោមនេះ រវាងសារព័ត៌មានថ្មីៗ ជាមួយតំណាងហាងបេប៊ីអោតឡេត, ជាមួយតំណាងមន្ទីរពេទ្យ និងជាមួយស្ត្រីពពោះ ដែលចូលរួមក្នុងសិក្ខាសាលានេះដោយផ្ទាល់៖
សូមបញ្ជាក់ផងដែរថា ប្រធានបទសំខាន់ៗជាច្រើនដែលនឹងត្រូវលើកមកចែករំលែក នៅក្នុងសិក្ខាសាលានេះ រួមមានរបៀបគ្រប់គ្រងអារម្មណ៍, ការយល់ដឹងពីរបបអាហារ , ការធ្វើលំហាត់ប្រាណ និងការសម្រាក, អាការ ខុសប្រក្រតីដែលត្រូវដឹង , ការយល់ដឹងពីវិធីការពារ ការសម្រាលមុនពេលកំណត់ , វិធីដំបៅដោះកូនដោយទឹកដោះម្តាយជាដើម។
ប្រសិនបើបងប្អូនស្ត្រីកំពុងពពោះគ្រប់រូបដែលមានចំណាប់អារម្មណ៍ ចូលរួមសិក្ខាសាលានៅពេលក្រោយៗ សូមផ្ញើឈ្មោះពេញ, លេខទូរសព្ទ និងរយៈពេលនៃការពពោះ មកកាន់ប្រអប់សារនៃទំព័រហ្វេសប៊ុករបស់Baby Outlet នោះបងប្អូន នឹងទទួលបានសំបុត្រដោយឥតគិតថ្លៃពីហាងបេប៊ីអោតឡេត ដែលសំបុត្រមានតម្លៃស្មើ 30 ដុល្លារ។ លោកអ្នក មិនត្រឹមតែបានទទួលចំណេះដឹងដ៏មានសារៈសំខាន់មាតា និងទារក ពីគ្រូពេទ្យ នៅមន្ទីរពេទ្យរ៉ូយ៉ាល់ភ្នំពេញ ប៉ុណ្ណោះទេ អ្នកក៏នឹងទទួលបានកញ្ចប់កាដូពី បេប៊ីអោតឡេតនិងបាន Coupon បញ្ចុះតម្លៃ 15 ភាគរយ ពីផលិតផល Lamoonដែលជាដៃគូរបស់បេប៊ីអោតឡេតផងដែរ។
សូមបញ្ជាក់ថានៅក្នុងសិក្ខាសាលានេះ ក៏មានការចូលរួមពីផលិតផលសម្រាប់កុមារជាច្រើនទៀតផងដែរ។ ដូច្នេះអាចមានពេលវាលាស្វែងយល់បន្ថែមក្នុងការប្រឹក្សាយោបល់ និងអាចជ្រើសរើសផលិតផលណាល្អសាកសម នឹងបុត្រធីតាលោកអ្នក៕