កីឡាជាតិ
ជាតិ
អបអរសាទរ! សៀមរាប និងត្បូងឃ្មុំ ឡើងទៅប៉ះគ្នានៅវគ្គផ្តាច់ព្រ័ត្រថ្នាក់ខេត្តនៃពានរង្វាន់សម្តេច ហ៊ុន សែន ក្រុមកីឡាករត្បូងឃ្មុំអបអរការស៊ុតបាល់បញ្ចូលទីលើរតនគិរី។ រូបថត CNCC
× ការប្រកួតបាល់ទាត់ដណ្តើមពានរង្វាន់សម្តេច ហ៊ុន សែន ថ្នាក់ខេត្តបានរកឃើញក្រុមពីរឡើងទៅប្រកួតនៅវគ្គផ្តាច់ព្រ័ត្រហើយ បន្ទាប់ពីពួកគេទាំងពីរបានយកឈ្នះគូប្រកួតរៀងៗខ្លួននៅវគ្គពាក់កណ្តាលផ្តាច់ព្រ័ត្រ។
ក្រុមសៀមរាបត្រូវប្រជែងជាមួយត្បូងឃ្មុំនៅវគ្គផ្តាច់ព្រ័ត្រ ដើម្បីដណ្តើមពានរង្វាន់សម្តេច ហ៊ុន សែន ថ្នាក់ខេត្តប្រចាំឆ្នាំ២០១៩។ ការប្រកួតវគ្គផ្តាច់ព្រ័ត្ររៀបចំនៅថ្ងៃទី២៩ ខែឧសភា ឆ្នាំ២០១៩ នាកីឡដ្ឋានខេត្តស្វាយរៀង។ មុនឡើងមកជួបគ្នានៅវគ្គនេះ ក្រុមទាំងពីរបានយកឈ្នះគូប្រកួតរៀងៗខ្លួននៅវគ្គពាក់កណ្តាលផ្តាច់ព្រ័ត្រនៅថ្ងៃទី២២ ខែឧសភានេះ។ នាជំនួបក្រោមកម្តៅថ្ងៃនៅកីឡដ្ឋានខេត្តសៀមរាប ម្ចាស់ផ្ទះបានយកឈ្នះភ្ញៀវកោះកុងយ៉ាងប្រផិតប្រផើយក្នុងលទ្ធផល ២-១។
ចំណែកការប្រកួតក្រោមដំណក់ភ្លៀងនៅកីឡដ្ឋានខេត្តត្បូងឃ្មុំ ក្រុមត្បូងឃ្មុំបានទម្លាក់រតនគិរីដោយការទាត់បាល់ប៉េណាល់ទី ក្រោយស្មើ ២-២។ ក្រោយប្រកួត៩០នាទី ត្បូងឃ្មុំបានឈ្នះលើការទាត់បាល់ប៉េណាល់ទី ៣-២។
នៅកីឡដ្ឋានខេត្តស្វាយរៀងនៅថ្ងៃនោះដែរ ក្រុមរតនគិរីត្រូវប្រជែងជាមួយកោះកុង ដើម្បីដណ្តើមចំណាត់ថ្នាក់លេខ៣។ ក្រុមចំណាត់ថ្នាក់លេខ១ លេខ២ និងលេខ៣ថ្នាក់ខេត្ត នឹងទទួលបានកៅអីឡើងទៅលេងពានថ្នាក់ជាតិជាមួយក្រុមទាំង១៣ក្នុងក្របខណ្ឌខេមបូឌានលីគ៕
Tag:
Hun Sen Cup 2019
ត្បូងឃ្មុំ
សៀមរាប
© រក្សាសិទ្ធិដោយ thmeythmey.com