ជាតិ
ក្រសួងរ៉ែ អះអាងថា គ្មានអាជីវកម្មរ៉ែ ខ្សាច់អនាធិបតេយ្យ នៅតាមទន្លេបួនមុខ និងស្ពានអ្នកលឿងទេ
រូបភាពីក្រសួងរ៉ែនិងថាមពល
×![]()
ដោយ: ឡាយ សុភាវតី
ភ្នំពេញ៖ ក្រសួងរ៉ែនិងថាមពល អះអាងថា គ្មានអាជីកម្មរ៉ែ និងខ្សាច់អនាធិបតេយ្យ នៅតាមទន្លេបួនមុខ និងស្ពានអ្នកលឿងទេ ។ ការអះអាងនេះ បន្តាប់ពីមន្ត្រីក្រសួងរ៉ែ និងកងរាជអាវុធហត្ថលើផ្ទៃប្រទេស បានចុះពិនិត្យ នៅតាមបណ្ដោយទន្លេបួនមុខរហូតដល់ស្ពានអ្នកលឿង កាលពីថ្ងៃទី២២ ឧសភា។ នេះបើតាមហ្វេសប៊ុករបស់ក្រសួងរ៉ែ និងថាមពល។
លោក ឌិត ទីណា រដ្ឋលេខាធិការក្រសួងរ៉ែនិងថាមពល ដែលបានដឹកនាំក្រុមការងារ និងកងកម្លាំង ចុះត្រួតពិនិត្យតាមបណ្តោយទន្លេនោះ អះអាងថា ក្រុមការងារក្រសួង រកពុំឃើញមានអាជីវកម្មរ៉ែ ខ្សាច់អនាធិតេយ្យណាមួយឡើយ ពោលគឺមានក្រហ៊ុន ដែលទទួលសិទ្ធិធ្វើអាជីវកម្មពីក្រសួងប៉ុណ្ណោះ។
ក្រសួងរ៉ែ និងថាមពល បានសរសេរដូច្នេះថា៖«ចំពោះទីតាំងអាជីវកម្មរ៉ែខ្សាច់របស់ក្រុមហ៊ុន ដែលមានអាជ្ញាបណ្ណពីក្រសួង បានអនុវត្តតាម ពេលវេលាកំណត់និងលិខិតបទដ្ឋានគតិយុត្តិនៃច្បាប់ត្រឹមត្រូវ»។
បន្ថែមពីក្រសួងរ៉ែ បានបញ្ជាក់ថា យុទ្ធនាការឆ្មាំទន្លេបានអនុវត្តជាប្រចាំ ដោយមានការចុះល្បាតនិងក្រុមឃ្លាំងមើល ព្រមទាំងមានយន្តការរាយការណ៍តាមប្រព័ន្ធHotline ផងដែរ៕
Tag:
អាជីកម្មរ៉ែខ្សាច់
ត្រួតពិនិត្យ
© រក្សាសិទ្ធិដោយ thmeythmey.com
