ពីនេះ ពីនោះ
×![]()
ដោយ: ថ្មីៗ
នៅក្នុងសទ្ទានុក្រមវប្បធម៌ និងវិចិត្រសិល្បៈរបស់ក្រុមប្រឹក្សាជាតិភាសាខ្មែរ បានបង្ហាញពីរបៀបវាស់ខ្នាតពីបុរាណដោយប្រើឧបករណ៍ទាំងបីនេះ។
ចំពោះ «កញ្ជើ» គឺជាឧបករណ៍បុរាណខ្មែរ សម្រាប់វាល់គ្រាប់ធញ្ញជាតិ វត្ថុល្អិតៗ ដែលត្បាញដោយបន្ទោះឫស្សី ខាងលើមានរាងមូល ហៅថាមាត់ក្តាប់នឹងបន្ទោះផ្តៅ ខាងក្រោមរាប ហៅថាបាត។ ឧទាហរណ៍៖ អង្គរមួយកញ្ជើ។
«កន្តាំង»ដែលមានរាងដូចជាល្អីដែរ សម្រាប់វាល់គ្រាប់ធញ្ញជាតិដូចជា ស្រូវ អង្ករ ឬជារង្វាល់អនុភាគ ដែមានចំណុះពីរភាគ ឬបីភាគ ឬបួនភាគនៃតៅ។ ឧទាហរណ៍៖ ស្រូវបីកន្តាំង។
រីឯ «កម្បង់» ជាខ្នាតរង្វាល់ខ្មែរពីបុរាណ ដែលប្រើបាតដៃទាំងពីរផ្គុំគ្នាហើយផ្ងារ ធ្វើឲ្យដក់បន្តិច សម្រាប់ក្បង់គ្រាប់ធញ្ញជាតិតូចៗ។ ឧទាហរណ៍៖ អង្គរពីរកម្បង់៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
