កីឡាជាតិ
ជាតិ
AFF Futsal Cup៖ កម្ពុជាត្រូវប្រជែងជាមួយមីយ៉ាន់ម៉ា និងម៉ាឡេស៊ី
× ក្រុម Down Town Sport របស់កម្ពជាស្ថិតក្នុងពូល B ជាមួយក្រុមមកពីមីយ៉ាន់ម៉ា Myanmar Imperial University និង Melaka United Soccer Association របស់ម៉ាឡេស៊ី សម្រាប់ការប្រកួតពានរង្វាន់ AFF Futsal Cup 2019 ដែលរៀបចំនៅប្រទេសថៃ ចន្លោះពីថ្ងៃទី១៨-២៣ ខែមិថុនា ឆ្នាំ២០១៩។ ចំណែកពូល A មានក្រុម PTT Chonburi Bluewave របស់ថៃ Sanvinest Sanatech Khang Hoa របស់វៀតណាម និង Black Steel Futsal Club របស់ឥណ្ឌូណេស៊ី។
សម្រាប់ការបង្ហាញជាលើកដំបូងនេះ ម្ចាស់ជើងឯកហ្វូតសាលថ្នាក់ជាតិឆ្នាំ២០១៨ Down Town Sport ត្រូវប្រជែងជាមួយក្រុម Melaka United Soccer Association របស់ម៉ាឡេស៊ី នាជំនួបបើកឆាកពូល B នៅថ្ងៃទី១៩ ខែមិថុនា ឆ្នាំ២០១៩ មុនប៉ះក្រុម Myanmar Imperial University របស់មីយ៉ាន់ម៉ានាជំនួបចុងក្រោយនៅថ្ងៃទី២០ ខែមិថុនា។
នេះជាការបង្ហាញខ្លួនលើកដំបូងរបស់ Down Town Sport តែវាជាលើកទី៦របស់កម្ពុជា។ ក្រុមកីឡាបាល់ទាត់ក្នុងសាលកម្ពុជាធ្លាប់ចូលរួមប្រកួតលើឆាកអន្តរជាតិបាន៥លើករួចមកហើយ ដោយធ្លាប់ទទួលបានចំណាត់ថ្នាក់លេខ៤ចំនួនពីរលើក គឺនៅឆ្នាំ២០០៣ និង២០០៦។ កាលពីឆ្នាំ២០១៨ ក្រុមសហភាពសហព័ន្ធយុវជនស្រុកកំចាយមារ បានធ្លាក់ត្រឹមវគ្គជម្រុះក្នុងពូល៕
Tag:
AFF Futsal Cup 2019
Down Town Sport
© រក្សាសិទ្ធិដោយ thmeythmey.com