នៅភាពជឿនលឿនបានមកដល់ ប្រជាជនជាច្រើនលាននាក់ដែលកាលពីមុនរស់នៅតាមទីជនបទ ដាច់ស្រយាលពីគ្នា បានមករស់នៅផ្តុំគ្នា នៅតាមបន្ទប់តូចៗ ចង្អៀត និងកុះករ។ ក្រោយពីបដិវត្តន៍ឧស្សាហកម្ម ចំណាកស្រុក និងចំណោលស្រុករបស់មនុស្សទូទៅ ពីទីជនបទមកកាន់ទីប្រជុំជនមានសន្ទុះកើនឡើងយ៉ាងខ្ពស់។
គេហទំព័រ ourworldindata.org ចុះផ្សាយជាសាធារណៈកាលពីខែកញ្ញា ឆ្នាំ២០១៨ បានពន្យល់ថា ក្នុងអំឡុងឆ្នាំ១៨០០ ប្រជាជនក្នុងពិភពលោកសរុបតិចជាង១០ភាគរយរស់នៅក្នុងតំបន់ទីប្រជុំជន។ នៅក្នុងឆ្នាំ២០១៨ ការប៉ាន់ស្មានបានកំណត់ថា ជាង៥៥ភាគរយនៃប្រជាជនពិភពលោកសរុបរស់នៅក្នុងទីប្រជុំជន។
ខាងក្រុមនេះគឺជាការរៀបរាប់របស់គេហទំព័រ worldatlas.com និយាយអំពីទីក្រុងធំៗទាំង១០ដែលមានមនុស្សរស់នៅច្រើនជាងគេ (រាប់ពីលេខរៀងទី១០)៖
ទី១០៖ ទីក្រុងម៉ុមបៃ (Mumbai) ប្រទេសឥណ្ឌា ១២.៤លាននាក់។
ទី៩៖ ទីក្រុងធៀនជីង (Tianjin) ប្រទេសចិន ១២.៧លាននាក់។
ទី៨៖ ទីក្រុងម៉ានីល (Manila) ប្រទេសភីលីពីន ១២.៨លាននាក់។
ទី៧៖ ទីក្រុងមូស្គូ (Moscow) ប្រទេសរុស្សី ១៣.១លាននាក់។
ទី៦៖ ទីក្រុងតូក្យូ (Tokyo) ប្រទេសជប៉ុន ១៣.៦លាននាក់។
ទី៥៖ ទីក្រុងដាកា (Dhaka) ប្រទេសបង់ក្លាដែស ១៤.៥លាននាក់។
ទី៤៖ ទីក្រុងអ៊ីស្តង់ប៊ុល (Istanbul) ប្រទេសតួគី ១៤.៦លាននាក់។
ទី៣៖ ទីក្រុងការ៉ាឈី (Karachi) ប្រទេសប៉ាគីស្ថាន ១៨លាននាក់។
ទី២៖ ទីក្រុងប៉េកាំង (Beijing) ប្រទេសចិន ១៨.៥លាននាក់។
ទី១៖ ទីក្រុងសៀងហៃ (Shanghai) ប្រទេសចិន ២៤.១លាននាក់។