ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
តើអ្នកត្រូវក្រោកពីគេងពីព្រលឹម ឬជាឪពុកម្តាយថ្មីថ្មោងមែនទេ? ពេលខ្លះជីវិតត្រូវការអ្នក ហើយយើងក៏មិនបានគេងគ្រប់គ្រាន់ដោយសារតែត្រូវការបម្រើជីវិត។ ប៉ុន្តែការគេងត្រឹមតែ ៥ម៉ោងក្នុងរយៈពេលធ្វើការ ២៤ម៉ោង ពិតជាមិនមែនជាចំនួនដែលគ្រប់គ្រាន់ឡើយ ជាពិសេសបើសិនជាវាកើតឡើងរយៈពេលយូរ។តាមការសិក្សាមួយដែលធ្វើទៅលើមនុស្សច្រើនជាង ១០០០០នាក់ បានឲ្យដឹងថា សមត្ថភាពធ្វើការរបស់មនុស្សយើងនឹងថយចុះបើសិនជាការគេងមិនអាចធ្វើបានជាមធ្យមពី ៧ ទៅ ៨ម៉ោងទេ។
ការគេង ៧ទៅ៨ម៉ោងក្នុងមួយយប់គឺជាតម្រូវការចាំបាច់ដើម្បីធ្វើការងាររបស់រាងកាយបានល្អបំផុត ជាពិសេស៖
- ការទំនាក់ទំនង
- ការរៀបគម្រោង
- ការសម្រេចចិត្តអ្វីមួយ។
មនុស្សយើងភាគច្រើនមិនបានគេងគ្រប់គ្រាន់ឡើយ។ យោងទៅតាមមជ្ឈមណ្ឌលសម្រាប់បង្ការ និងគ្រប់គ្រងជំងឺ (CDC) បានឲ្យដឹងថា មនុស្សពេញវ័យអាមេរិកច្រើនជាងមួយភាគបីគឺមិនបានគេងគ្រប់គ្រាន់ជាប្រចាំឡើយ។ យ៉ាងណាមិញ តម្រូវការសម្រាប់ការគេងរបស់មនុស្សម្នាក់ៗគួរតែ៖
- ទារកទើបនឹងកើត៖ ១៤ ទៅ ១៧ម៉ោង
- ទារកកើតចេញខែ៖ ១២ ទៅ ១៥ម៉ោង
- ទារកទើបចេះដើរតេសតាស៖ ១១ ទៅ ១៤ម៉ោង
- កុមារត្រៀមចូលរៀន៖ ១០ ទៅ ១៣ម៉ោង
- កុមារអាយុចូលរៀន៖ ៩ ទៅ ១១ម៉ោង
- យុវវ័យ៖ ៨ ទៅ ១០ម៉ោង
- មនុស្សវ័យជំទង់៖ ៧ ទៅ ៩ម៉ោង
- មនុស្សពេញវ័យ៖ ៧ ទៅ៩ម៉ោង
- មនុស្សចាស់ ៧ ទៅ ៨ម៉ោង
អាការៈភ្លាមៗនៃការគេងមិនគ្រប់គ្រាន់អាចសម្តែងចេញដូចខាងក្រោមនេះ៖
- ងងុយគេងខ្លាំង
- ស្ងាបជាប់
- កង្វះការផ្ចង់អារម្មណ៍
- ឆេវឆាវ
- អស់កម្លាំងនៅពេលថ្ងៃ
- ភ្លេចភ្លាំងច្រើន
- ថប់អារម្មណ៍
អាការៈទាំងអស់នេះនឹងកាន់តែធ្ងន់ធ្ងរទៅៗកាលណាអ្នកមិនបានគេងកាន់តែច្រើន។ អ្នកប្រហែលជាធ្លាប់មានអាការៈរវើរវាយច្រើនថែមទៀតផង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
