ជាតិ
នយោបាយជាតិ
សម្តេច ហ៊ុន សែន បង្ហាញពីនយោបាយឈ្នះ-ឈ្នះ ក្នុងសន្និបាត UN-ESCAP នៅបាងកក
× សម្តេចនាយករដ្ឋមន្ត្រី ហ៊ុន សែន នាព្រឹកថ្ងៃទី២៧ ខែឧសភា នេះ បានឡើងថ្លែងសុន្ទកថាក្នុងសន្និបាតប្រចាំឆ្នាំរបស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហ្វិក នៃអង្គការសហប្រជាជាតិ (UN-ESCAP) លើកទី៧៥ ដែលរៀបចំនៅទីក្រុងបាងកក ប្រទេសថៃ។
ក្រោមប្រធានបទ «ការផ្តល់សិទ្ធិអំណាចប្រជាជន និងការធានានូវបរិយាប័ន្ន និងសមភាព» ប្រមុខរដ្ឋាភិបាលកម្ពុជា បានលើកឡើងពីការអនុវត្តគោលនយោបាយឈ្នះ-ឈ្នះ របស់ខ្លួន។ សម្តេចបានបញ្ជាក់ថា ការអនុវត្តគោលនយោបាយឈ្នះ-ឈ្នះ ប្រកបដោយជោគជ័យ ដោយគ្មានការបង្គាប់បញ្ជា ឬជំនួយពីបរទេស។
សម្តេចបានបញ្ជាក់ប្រាប់អ្នកចូលរួមថា គោលនយោបាយឈ្នះ-ឈ្នះ ប្រកបដោយជោគជ័យ ដោយសារតែរដ្ឋាភិបាលមានការធានាលើកត្តាបីយ៉ាងដែលក្នុងនោះ មានការធានាឲ្យបុគ្គលគ្រប់រូបអាចរស់រៀនមានជីវិត មានការងារមុខរបរ និងការធានាការពារទ្រព្យសម្បត្តិ។
សម្តេច ហ៊ុន សែន បានបន្ថែមថា កម្ពុជា ផ្តល់តម្លៃខ្ពស់បំផុតលើសន្តិភាព ដោយចូលរួមកសាងពិភពលោកមួយដោយគ្មានអ្នកណាម្នាក់ត្រូវបានបំភ្លេចចោល៕
© រក្សាសិទ្ធិដោយ thmeythmey.com