កីឡាអន្តរជាតិ
អន្តរជាតិ
Aston Villa ឡើងទៅលេង Premier League ក្រោយឈ្នះ Derby County ២-១
× បន្ទាប់ពីចំណាយពេល៣រដូវកាលនៅក្របខណ្ឌ Championship ក្លិប Aston Villa បានឡើងទៅកាន់ក្របខណ្ឌកំពូល Premier League វិញហើយ ក្រោយឈ្នះ Derby County ២-១ នាការប្រកួតវគ្គផ្តាច់ព្រ័ត្រវគ្គ Play-Off។
ជំនួបដែលប្រព្រឹត្តទៅនៅកីឡដ្ឋាន Wembley ក្រុម Aston Villa រកបានគ្រាប់បាល់បញ្ចូលទីនៅចុងតង់ទីមួយដោយ Anwar El-Ghazi និងនៅនាទី៥៩ ដោយ John McGinn។ Derby ដែលដឹកនាំដោយលោក Frank Lampard វាយបក១គ្រាប់ពីក្រោយនៅនាទី៨១ ដោយ Jack Marriott ប៉ុន្តែគ្រាន់តែជាគ្រាប់បាល់បង្គ្រប់កិច្ចប៉ុណ្ណោះ បើទោះបីជាមានការបន្ថែមម៉ោងដល់ទៅ៧នាទីក៏ដោយ។
យោងតាមរបាយការណ៍របស់ក្រុមហ៊ុន Deloitte (ក្រុមហ៊ុនប្រឹក្សាពន្ធ និងហិរញ្ញវត្ថុ) វត្តមាននៅក្របខណ្ឌកំពូលរបស់ Aston Villa ធ្វើឲ្យពួកគេនឹងទទួលបានប្រាក់ចំណូលបន្ថែមប្រហែល ១៧០លានផោន (២១៦ លានដុល្លារអាមេរិក) ក្នុងរយៈពេល៣រដូវកាលបន្ទាប់។
ខណៈ Aston Villa ត្រូវបង្ហាញវត្តមាននៅក្របខណ្ឌ Premier League ក្រុម Derby County ត្រូវបន្តលេងនៅក្របខណ្ឌ Championship សម្រាប់រដូវកាលទី១២របស់ខ្លួន៕
Tag:
Aston Villa
Premier League
© រក្សាសិទ្ធិដោយ thmeythmey.com