ជាតិ
×![]()
ដោយ: VOA
ប្រភពដែលស្និទ្ធនឹងក្រុមហ៊ុន Baowu Group ផលិតដែកថែបកំពូលរបស់ប្រទេសចិនបានឲ្យដឹងថា ក្រុមហ៊ុន កំពុងសិក្សាផែនការផ្លាស់ប្តូរទីតាំងរោងចក្ររបស់ខ្លួនចេញពីតំបន់ Xinjiang ទៅប្រទេសកម្ពុជាដែលជាគំរូនៃការផ្លាស់ប្តូរទីតាំងឧស្សាហកម្មធុនធ្ងន់របស់ប្រទេសចិនទៅក្រៅប្រទេស។
ការផ្លាស់ប្តូរ ដែលនឹងបង្កើតផលិតកម្មរបស់ក្រុមហ៊ុន Baowu នៅក្រៅប្រទេសដំបូងគេនេះ បង្ហាញថា ក្រុមហ៊ុនផលិតដែកថែបរបស់ប្រទេសចិនបានត្រៀមខ្លួនរក្សាលំនឹងកម្រិតផលិតកម្មបើទោះបីជារដ្ឋាភិបាលក្រុងប៉េកាំងបានជំរុញការកាត់បន្ថយឧស្សាហកម្មនៅចិនដីគោកក្តី។
ក្រុមហ៊ុន Baowu កំពុងពិនិត្យលទ្ធភាពនៃការដឹកគ្រឿងចក្រពីរគ្រឿងដែលមានសមត្ថភាពផលិតរួមបញ្ចូលគ្នាចំនួន៣,១លានតោនរួមជាមួយនឹងម៉ាស៊ីនច្នៃដែកថែបយកទៅប្រទេសកម្ពុជានៅចុងឆ្នាំ២០១៩។ ប្រភពនេះសុំមិនបញ្ចេញឈ្មោះព្រោះគាត់មិនត្រូវបានអនុញ្ញាតឱ្យនិយាយជាមួយប្រព័ន្ធផ្សព្វផ្សាយ។
ក្រុមហ៊ុន Baowu មិនបានឆ្លើយតបទៅនឹងអ៊ីម៉ែលដែលសុំការបញ្ជាក់ទេ។
ប្រទេសចិនបានបិទរោងចក្រមានលទ្ធភាពផលិតដែកថែប១៥០លានតោន ក្នុងរយៈពេលបីឆ្នាំកន្លងមកនេះ ដែលជាផ្នែកមួយនៃយុទ្ធនាការទំនើបកម្មសេដ្ឋកិច្ចរបស់ខ្លួន ប៉ុន្តែប្រទេសចិននៅតែមានផលិតកម្មដែកថែបស្មើពាក់កណ្តាលនៃផលិតផលដែកថែបពិភពលោកគឺស្មើនឹង៩៨០លានតោនក្នុងមួយឆ្នាំ។
រោងចក្ររបស់ក្រុមហ៊ុន Baowu នេះដែលគ្រោងផ្ទេរទីតាំងនេះមានមូលដ្ឋាននៅ ក្រុង Aksu ស្ថិតនៅភាគពាយព្យប្រទេសចិន នៅចម្ងាយប្រហែល៤០០០គីឡូម៉ែត្រពីរាជធានីភ្នំពេញ។ រោងចក្រនេះបានបិទកាលពីឆ្នាំ២០១៧៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
