ជាតិ
សេដ្ឋកិច្ច
សម្តេច ហ៊ុន សែន៖ ចិន-អាមេរិកនឹងជម្នះការលំបាក ព្រោះមិនមែនជាបញ្ហាប្រឈមដែលមិនចេះចប់នោះឡើយ
× សម្តេចនាយករដ្ឋមន្ត្រី ហ៊ុន សែន សង្ឃឹមថា សង្គ្រាមពាណិជ្ជកម្មរវាងអាមេរិក និងចិន ត្រូវឈានដល់ចំណុចមួយដែលអាចដោះស្រាយរួមគ្នាបាន ជាពិសេសតាមនយោបាយឈ្នះ-ឈ្នះ។ សម្តេចបានអះអាងយ៉ាងដូច្នេះ នៅពេលឆ្លើយតបទៅនឹងសំណួរ ក្រោយដែលសម្តេចថ្លែងសុន្ទកថាគន្លឹះក្នុងសន្និសីទអន្តរជាតិលើកទី២៥ ស្តីពី «អនាគតរបស់អាស៊ី» នៅក្រុងតូក្យូ ប្រទេសជប៉ុន នាព្រឹកថ្ងៃទី៣០ ខែឧសភា នេះ។
«ចិន-អាមេរិក នឹងជម្នះការលំបាក ព្រោះមិនមែនជាបញ្ហាប្រឈមដែលមិនចេះចប់នោះឡើយ»។ នេះជាការរំពឹងរបស់ប្រមុខរដ្ឋាភិបាលកម្ពុជា ទាក់ទងនឹងសង្គ្រាមពាណិជ្ជកម្មនាពេលបច្ចុប្បន្នរវាងមហាអំណាច សហរដ្ឋអាមេរិក និងចិន។
សម្តេច ហ៊ុន សែន បានគូសបញ្ជាក់ថា ចិន និងអាមេរិក ផ្ទាល់ ជាអ្នករងផលប៉ះពាល់នៃសង្គ្រាមពាណិជ្ជកម្មជាងគេ មុននឹងរាលដាលដល់បណ្តារដ្ឋផ្សេងៗទៀត។
សម្តេចបានលើកឡើងផងដែរថា បណ្តារដ្ឋនៅអាស៊ី មិនគប្បីក្លាយខ្លួនជាស្រមោច សង្អារឲ្យដំរីជាន់ស្លាប់នោះឡើយ។ «យន្តការអង្គការពាណិជ្ជកម្មពិភពលោកនៅតែបន្ត ប៉ុន្តែប្រធានាធិបតីមានអាណត្តិ ដូច្នេះគឺខ្ញុំគិតថា មិនមានអ្នកណាមួយអាចដេកស្លាប់ជាមួយនឹងទណ្ឌកម្មនោះទេ»។ នេះជាការលើកឡើងរបស់ប្រមុខរដ្ឋាភិបាលកម្ពុជា៕
© រក្សាសិទ្ធិដោយ thmeythmey.com