សុខភាព
អន្តរជាតិ
អាមេរិក៖ ទារកតូចជាងគេលើលោកដែលមានទម្ងន់តែ២៤៥ក្រាមប៉ុណ្ណោះ ពេលកើតមក
×
មន្ទីរពេទ្យមួយនៅរដ្ឋ California សហរដ្ឋអាមេរិក កាលពីថ្ងៃទី២៩ ខែឧសភា បានប្រកាសពីការចាប់កំណើតទារកដែលមានទំហំតូចជាងគេបំផុតលើលោក។ តាមពិតទៅ ចាប់កំណើតតាំងពី៥ខែមុនមកម្ល៉េះ ដោយ មានទម្ងន់តែ២៤៥ក្រាមប៉ុណ្ណោះ។
Saybie ដែលត្រូវបានបុគ្គលិកមន្ទីរពេទ្យ Sharp Healthcare នៅក្រុង San Diego ដាក់ឈ្មោះឲ្យនោះ បានចាកចេញទៅរស់នៅផ្ទះរបស់ខ្លួន ក្រោយការថែទាំយ៉ាងយកចិត្តទុកដាក់ពីសំណាក់ក្រុមគ្រូពេទ្យ។ នេះបើតាមការផ្សាយរបស់ Times of San Diego។
ទារិកានោះ មានទម្ងន់តែ២៤៥ក្រាម និងប្រវែង២៣សង់ទីម៉ែត្រប៉ុណ្ណោះនៅពេលកើត។ តាមកំណត់ត្រាសាកលវិទ្យាល័យ Iowa របស់អាមេរិក Saybie ក្លាយជាទារកដែលមានទំហំតូចជាងគេបំផុតលើលោកដោយបំបែកកំណត់ត្រាទារកអាល្លឺម៉ង់ ដែលកើតនៅឆ្នាំ២០១៥ ទម្ងន់២៥២ក្រាម។
VIDEO
Saybie ដែលម្តាយរបស់នាងមិនត្រូវបានបញ្ចេញឈ្មោះនោះ បានចាប់កំណើតក្រោយម្តាយពរពោះបាន២៣ខែ។ ទោះបីជាយ៉ាងណាក៏ដោយ មន្ទីរពេទ្យ Sharp Healthcare បានអះអាងថា ទារិការូបនោះ មិនមានបញ្ហាសុខភាពអ្វីនោះឡើយ។
កាលពីខែសីហា ឆ្នាំ២០១៨ មន្ទីរពេទ្យនៅសាកលវិទ្យាល័យ Keio University របស់ជប៉ុន បានជួយសម្រាលទារកម្នាក់ក្រោយម្តាយពរពោះបានត្រឹមតែរយៈពេល២៤សប្តាហ៍។ ក្រុមគ្រូពេទ្យនៅសាកលវិទ្យាល័យ Keio University បានវះកាត់ស្បូនបើកពោះដើម្បីយកទារកចេញ ដោយសារតែមិនមានការឡើងទម្ងន់ទាល់តែសោះពីមួយថ្ងៃទៅមួយថ្ងៃ។ ទារកនោះ កើតមកដោយមានទម្ងន់២៦៨ក្រាម៕
© រក្សាសិទ្ធិដោយ thmeythmey.com