ពីនេះ ពីនោះ
ព័ត៍មានសុខភាព
ស្មានមិនដល់សោះថា “ជាតិសសៃ” ចាំបាច់យ៉ាងនេះសម្រាប់សុខភាព ទប់ស្កាត់ជំងឺ
×![]()
ដោយ: ថ្មីៗ
លុះត្រាតែអ្នកទទួលទានបន្លែ ផ្លែឈើ គ្រាប់ពូជ និងគ្រាប់ធញ្ញជាតិជាប្រចាំទើបអ្នកអាចរក្សាបាននូវជាតិសសៃគ្រប់គ្រាន់ដែលរាងកាយត្រូវការចាំបាច់សម្រាប់សុខភាពល្អប្រសើរ។ ថាតើជាតិសសៃមានសារៈសំខាន់យ៉ាងណាខ្លះទៅ? អ្នកគួរដឹងជាមុនសិនថា ជាធម្មតាជាតិសសៃមានពីរប្រភេទ គឺជាតិសសៃរលាយនិងជាតិសសៃមិនរលាយ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍នៃការទទួលទានអាហារមានផ្ទុកជាតិសសៃ ៖
១. សុខភាពបេះដូង
ហានិភ័យនៃជំងឺបេះដូងធ្លាក់ចុះដល់ទៅ ៩ ភាគរយ ក្នុង ៧ ក្រាមនៃការទទួលទានអាហារមានផ្ទុកជាតិសសៃជាប្រចាំ។ នោះក៏ព្រោះតែជាតិសសៃមានប្រសិទ្ធិភាពកាត់បន្ថយកម្រិតនៃកូឡេស្តេរ៉ូលមិនល្អ។
២. កាត់បន្ថយហានិភ័យនៃជំងឺទឹកនោមផ្អែម
ជាតិសសៃរលាយអាចជួយពន្យឺតការស្រូបយកជាតិស្កររបស់រាងកាយ ហើយក៏ជួយគ្រប់គ្រងកម្រិតនៃជាតិស្ករក្នុងឈាមផងដែរ។
៣. សុខភាពខួរក្បាល
ការបន្ថែមជាតិសសៃត្រឹមតែ ៧ ក្រាមចូលក្នុងរបបអាហារប្រចាំថ្ងៃអាចកាត់បន្ថយហានិភ័យនៃជំងឺដាច់សសៃឈាមខួរក្បាលបានយ៉ាងហោចណាស់ ៧ ភាគរយឯណោះ។
៤. ព្យាបាលនិងទប់ស្កាត់អាការៈទល់លាមក
ជាតិសសៃមានប្រសិទ្ធិភាពជួយសម្រួលដល់ការរំលាយអាហារនិងបន្ទន់លាមក ក៏ដូចជាកាកសំណល់ឱ្យឆ្លងកាត់ប្រព័ន្ធរំលាយអាហារបានឆាប់រហ័ស។
៥. សុខភាពសួត
ជាតិសសៃ Dietary fiber ជួយបំបាត់ការរលាកតាមប្រព័ន្ធក្នុងរាងកាយនិងថែមទាំងកាត់បន្ថយហានិភ័យនៃជំងឺផ្សេងៗបង្កឡើងដោយការរលាក រួមទាំងជំងឺស្ទះផ្លូវដង្ហើមរ៉ាំរ៉ៃផងដែរ។
៦. សុខភាពតម្រងនោម
ការទទួលទានជាតិសសៃច្រើនជាង ២១ ក្រាមជាប្រចាំអាចជួយកាត់បន្ថយហានិភ័យនៃជំងឺគ្រួសក្នុងតម្រងនោមបានដល់ទៅ ២២ ភាគរយ។
៧. សុខភាពពោះវៀន
ការបន្ថែមជាតិសសៃក្នុងរបបអាហារប្រចាំថ្ងៃអាចជួយគ្រប់គ្រងតុល្យភាពនៃបាក់តេរីសុខភាពល្អសម្រួលដល់ដំណើរការនៃការរំលាយអាហារ។
៨. ជួយឱ្យស្រកទម្ងន់
អ្នកដែលបង្កើនជាតិសសៃក្នុងរបបអាហារប្រចាំថ្ងៃដល់ទៅ ៣០ ក្រាម ឬច្រើនជាងនេះ គឺអាចស្រកទម្ងន់បានដូចទៅនឹងអ្នកដែលតមអាហារដែរ។ ជាតិសសៃជួយសម្រួលដំណើរការនៃការរំលាយអាហារ ក៏ដូចជាធ្វើឲ្យមុខងារនៃប្រព័ន្ធរំលាយអាហារកាន់តែមានលក្ខណៈប្រសើរឡើង។ លើសពីនេះទៅទៀត ការទទួលទានអាហារដែលសម្បូរទៅដោយជាតិសសៃ គឺជួយឲ្យមានអារម្មណ៍ឆាប់ឆ្អែត និងកាត់បន្ថយចំណង់អាហារ ដោយធ្វើឲ្យឆ្អែតបានយូរ។
៩. សុខភាពស្បែក
ជាតិសសៃជួយកម្ចាត់រោគផ្សិតចេញពីរាងកាយដែលធ្វើឱ្យស្បែកជៀសផុតពីបញ្ហាកន្ទួលរមាស់ឡើងរោលក្រហម ឬរោគមុន។
១០. ទប់ស្កាត់ជំងឺមហារីក
ការទទួលទានទានអាហារមានផ្ទុកជាតិសសៃគ្រប់គ្រាន់អាចជួយកាត់បន្ថយហានិភ័យនៃជំងឺមហារីកពោះវៀនធំនិងមហារីកសុដន់គូួរឱ្យកត់សម្គាល់។ នោះក៏ព្រោះតែជាតិសសៃមានលក្ខណៈសម្បត្តិប្រឆាំងជំងឺមហារីក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
