Inter Milan តែងតាំង Conte ជាអ្នកចាត់ការផ្លូវការ ក្រោយបញ្ចប់តំណែង Spalletti

កីឡាអន្តរជាតិ

អន្តរជាតិ

Inter Milan តែងតាំង Conte ជាអ្នកចាត់ការផ្លូវការ ក្រោយបញ្ចប់តំណែង Spalletti

31, May 2019 , 3:52 pm

រូបភាព

ដោយ: ទេព ពិទូរ្យ

អតីតគ្រូ Chelsea លោក Antonio Conte បានក្លាយជាអ្នកចាត់ការទូទៅ Inter Milan នៃលីគកំពូលអ៊ីតាលី Serie A ហើយ ដោយត្រូវជំនួសតំណែងលោក Luciano Spalletti។

អត្ថបទទាក់ទង

Conte នឹងទៅដឹកនាំ Inter ហើយចង់យក Moses និង Lukaku ទៅតាមខ្លួន

ក្នុងវ័យ៤៩ឆ្នាំ អ្នកចាត់ការសញ្ជាតិអ៊ីតាលីរូបនេះនឹងចូលធ្វើការងារនៅទឹកដី San Siro ក្នុងសប្តាហ៍នេះតែម្តង ហើយនេះក៏ជាការងារដំបូងរបស់លោកផងដែរចាប់តាំងពីចាកចេញពីក្រុមតោខៀវ Chelsea នៅឆ្នាំ ២០១៨។

Conte បានចំណាយពេល ២ ឆ្នាំនៅ Stamford Bridge ដោយជួយ Chelsea ឈ្នះពាន Premier League និង FA Cup បន្ទាប់ពីជួយ Juventus ឈ្នះជើងឯក Serie A ចំនួន៣រដូវកាល។

លោក Luciano Spalletti ដែលទើប Inter Milan បញ្ចប់តំណែង

«ជំពូកថ្មីក្នុងជីវិតខ្ញុំកំពុងចាប់ផ្ដើមហើយ ខ្ញុំពិតជារំភើបណាស់។ ខ្ញុំបានជ្រើសរើសយក Inter ដោយសារតែពួកគេជាក្លិបមានមហិច្ឆតាធំ»។ នេះជាសម្តីរបស់អតីតគ្រូបង្វឹកក្រុមជម្រើសជាតិអ៊ីតាលី។

ដោយឡែកលោក Spalletti បើទោះបីបានជួយ Inter ទទួលបានកៅអី Champions League ឆ្នាំក្រោយតាមរយៈការបញ្ចប់ទៅក្នុងចំណាត់ថ្នាក់ទី៤ក្នុងតារាងលីគកំពូលអ៊ីតាលីរដូវកាលនេះក្តី ក៏ក្លិបនៅតែសម្រេចបញ្ចប់តំណែងលោកដដែល។ នេះមានន័យថាអតីតអ្នកចាត់ការ Roma សញ្ជាតិអ៊ីតាលីរូបនេះត្រូវ Inter បញ្ចប់តំណែងទាំងនៅសល់កិច្ចសន្យា២ឆ្នាំទៀត៕