ជាតិ
នយោបាយជាតិ
× ភ្នំពេញ៖ តើអ្វីទៅជានយោបាយទន់ភ្លន់ «Flexible Politics» «Politique Flexible »? វាគឺជានយោបាយ ដែលទាមទារឲ្យមានការសិក្សា និងវិភាគស៊ីជម្រៅទៅលើអរិយធម៌ប្រទេស និងបុគ្គលសិន មុននឹងដោះស្រាយបញ្ហា។
ប្រហែលជាមានអ្នកយល់ឃើញ និងឲ្យនិយមន័យផ្សេងគ្នា លើពាក្យគោលនយោបាយចម្រុះពណ៌នេះ។ សារព័ត៌មានThmeyThmey ក៏មិនអាចជំទាស់រាល់ការឲ្យនិយមន័យលើពាក្យនេះដែរ។ តែយ៉ាងណាសៀវភៅសទ្ទានុក្រមវិទ្យាសាស្ត្រនយោបាយ និងការទូតខ្មែរ-អង់គ្លេស-បារាំង នៃក្រុមប្រឹក្សាជាតិភាសាខ្មែរ ដែលសារព័ត៌មានThmeyThmey ដកស្រង់មកនេះ បានពន្យល់ពីពាក្យនៃនយោបាយចម្រុះពណ៌។
នយោបាយទន់ភ្លន់ សំដៅលើនយោបាយការទូត ដែលប្រើប្រាស់ក្នុងការធ្វើទំនាក់ទំនង ដែលមានលក្ខណៈប្រុងប្រយ័ត្ន ដោយសិក្សាស៊ីជម្រៅទៅលើអរិយធម៌របស់ប្រទេស ក្រុម ឬបុគ្គលនោះ ជាមុនសិន មុននឹងធ្វើទំនាក់ទំនងទៅលើបញ្ហាណាមួយ។ នយោបាយទន់ភ្លន់នេះ ក៏គេអាចប្រើប្រាស់សម្រាប់ធ្វើការដោះស្រាយនយោបាយផ្ទៃក្នុងផងដែរ។
ក្នុងន័យនេះ គេអាចឲ្យឧទាហរណ៍ ទាក់ទងការដោះស្រាយបញ្ហានៅមជ្ឈិមបូព៌ា ដោយសហអាម៉េរិកបានប្រើប្រាស់នយោបាយទន់ភ្លន់ ដើម្បីសិក្សាទៅលើទំនៀមទម្លាប់ប្រពៃណីរបស់មជ្ឈិមបូព៌ា ដោយមិនប្រើច្បាប់អន្តរជាតិ ឬការទូតទាំងស្រុងនោះទេ។
ជាមួយគ្នានេះ តាមរយៈសន្ទានុក្រម ក៏បានលើកយកពីបញ្ហាជាប់គាំងនយោបាយក្រោយការបោះឆ្នោតឆ្នាំ២០០៣អស់រយៈពេល១ឆ្នាំនោះ សម្ដេចនាយករដ្ឋមន្ត្រី ហ៊ុន សែន បានប្រើប្រាស់នយោបាយទន់ភ្លន់ ដើម្បីចរចាជាមួយដៃគូគណបក្សហ្វ៊ុនស៊ិនប៉ិច។
សារព័ត៌មាន ThmeyThmey ទទួលបានសិទ្ធិចុះផ្សាយពីក្រុមប្រឹក្សាជាតិភាសាខ្មែរ៕
Tag:
នយោបាយទន់ភ្លន់
ក្រុមប្រឹក្សាជាតិភាសាខ្មែរ
© រក្សាសិទ្ធិដោយ thmeythmey.com