ជាតិ
សង្គមជាតិ
ថ្នាក់ដឹកនាំឥស្លាមកម្ពុជា ប្រាប់ឱ្យមើលខ្នើតខែនៅល្ងាចថ្ងៃទី៣ មិថុនា ដើម្បីកំណត់ចេញបុណ្យខែរ៉ម៉ាឌន
× គណៈដឹកនាំជាន់ខ្ពស់នៃសាសនាឥស្លាមកម្ពុជា តាមរយៈសេចក្ដីជូនដំណឹងចុះថ្ងៃទី២៨ ឧសភា បានប្រាប់ដល់គណៈអ៊ីមុំាគ្រប់ជាន់ថ្នាក់និងសាសនិកឥស្លាមទាំងអស់ ឱ្យចាំមើលខ្នើតខែ ដើម្បីកំណត់ចេញបួសខែរ៉ម៉ាឌននៅល្ងាចថ្ងៃទី៣ មិថុនា ដែលត្រូវនឹងថ្ងៃទី២៩ នៃការបួសខែរ៉ម៉ាឌន។
ក្នុងលិខិតដដែល គណៈដឹកនាំជាន់ខ្ពស់ បានប្រាប់ដល់ថ្នាក់ដឹកនាំឥស្លាមទាំងអស់ដើម្បីតាមដានមើលខ្នើតខែ ឱ្យបានច្បាស់លាស់តាមក្បួនខ្នាត និងរាយការណ៍មកគណៈកម្មការអចិន្ដ្រៃយ៍ត្រួតពិនិត្យខ្នើតខែ ដើម្បីធ្វើការត្រួតពិនិត្យអំពីលក្ខណៈបច្ចេកទេសជាមុន ប្រសិនបើមានរបាយការណ៍បញ្ជាក់ពីការមើកខ្នើតខែស្ហាវ៉ាល់ (ជាខែបន្ទាប់ពីខែរ៉ម៉ាឌន)។
ក្នុងករណីមើលខ្នើតឃើញនៅល្ងាចថ្ងៃទី៣ មិថុនា នោះការស្រាយបួសនឹងត្រូវធ្វើនៅថ្ងៃទី៤ មិថុនា ។តែបើមើលមិនឃើញ នោះការបួសនឹងត្រូវបន្តនៅថ្ងៃទី៤មួយថ្ងៃទៀត ដើម្បីបង្គ្រប់៣០ថ្ងៃនៃខែរ៉ម៉ាឌន។ នេះបើយោងតាមខ្លឹមសារនៃលិខិតខាងលើ៕
© រក្សាសិទ្ធិដោយ thmeythmey.com