ជាតិ
សង្គមជាតិ
សម្ដេច ហេង សំរិន ប្រាប់មេដឹកនាំវៀតណាមថា ច្បាប់កម្ពុជា គ្មានករណីពិសេសសម្រាប់ជនជាតិណាឡើយ
រូបពីហ្វេសប៊ុកសម្ដេច ហេង សំរិន ប្រធានរដ្ឋសភា
×![]()
ដោយ: ភួង វ៉ាន់ថា
ប្រធានរដ្ឋសភាសម្ដេច ហេង សំរិន ប្រាប់មេដឹកនាំវៀតណាមថា ច្បាប់កម្ពុជា គ្មានករណីពិសេសសម្រាប់ជនជាតិណាមួយឡើយ ។ ការលើកឡើងរបស់សម្ដេច ធ្វើឡើងនៅក្នុងជំនួបជាមួយប្រមុខរដ្ឋវៀតណាមដែលបានស្នើឲ្យកម្ពុជា ជួយការពារជនអន្តោប្រវេសន៍វៀតណាម និងសម្រួលដល់ការរស់នៅរបស់ពួកគេ។នេះបើយោងតាមគេហទំព័រក្រសួងព័ត៌មាន នៅថ្ងៃទី០៣ ខែមិថុនា នេះ។
ក្រសួងព័ត៌មាន ដែលបានស្រង់សម្តីលោក ឈាង វុន ប្រធានគណៈកម្មការកិច្ចការបរទេសឃោសនាការ និងព័ត៌មាននៃរដ្ឋសភា បានបញ្ជាក់ថា ប្រធានរដ្ឋសភាវៀតណាមលោកស្រី ង្វៀង ធីគឹមង៉ាន់ បានស្នើសម្ដេច ហេង សំរិន ឲ្យជួយគាំពារដល់ជនអន្តោប្រវេសន៍វៀតណាមខុសច្បាប់ ដែលកំពុងរស់នៅកម្ពុជា ព្រមទាំងជួយសម្រួលដល់ពួកគេទាំងនោះ ឲ្យទទួលបានឯកសារស្នាក់នៅស្របច្បាប់ និងសញ្ជាតិកម្ពុជាផង។ ជាពិសេសការផ្ទេរលំនៅឋានដល់ពួកគេ ដែលកំពុងរស់នៅលើផ្ទៃបឹងទន្លេសាប នាខេត្តកំពង់ឆ្នាំង ឡើងលើដីគោកនាពេលបច្ចុប្បន្នផង។
ឆ្លើយតបទៅនឹងការស្នើសុំនេះសម្តេច ហេង សំរិន បានបញ្ជាក់ថា កម្ពុជានឹងអនុវត្តទៅតាមច្បាប់អន្តោប្រវេសន៍ ចំពោះជនបរទេសទាំងអស់ ដែលកំពុងរស់នៅលើទឹកដីកម្ពុជា ហើយក៏មិនមានករណីពិសេសសម្រាប់ជនជាតិណាមួយនោះទេ។ នេះបើតាមលោក ឈាង វុន។
ក្រៅពីនេះភាគីទាំងពីរក៏បានពិភាក្សាលើកិច្ចការមួយចំនួនទៀតដូចជា កិច្ចសហប្រតិបត្តិការរវាងរដ្ឋសភានៃប្រទេសទាំងពីរ, កិច្ចសហប្រតិបត្តិការតំបន់ និងកិច្ចសហការអន្តរជាតិ និងការផ្លាស់ប្ដូរមតិយោបល់វេទិកាសភា។ បន្ថែមពីនេះទៀត ភាគីទាំងពីរសន្យាពន្លឿនការបោះបង្គោលព្រំដែនឲ្យបានឆាប់ចប់ផងដែរ៕
Tag:
ហេង សំរិន
អន្តោប្រវេសន៍
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
