កីឡាអន្តរជាតិ
អន្តរជាតិ
ចិនសម្រេចបំណងក្លាយជាម្ចាស់ផ្ទះព្រឹត្តិការណ៍ Asian Cup ឆ្នាំ២០២៣
× ចិននឹងដឹកនាំធ្វើជាម្ចាស់ផ្ទះការប្រកួតពានរង្វាន់ប្រចាំតំបន់អាស៊ី AFC Asian Cup ឆ្នាំ ២០២៣។ នេះជាការបញ្ជាក់របស់សហព័ន្ធកីឡាបាល់ទាត់អាស៊ី (AFC) នៅឯសមាជវិសាមញ្ញ AFC នាទីក្រុងប៉ារីស ប្រទេសបារាំង ថ្ងៃទី៤ ខែមិថុនានេះ។
ចិនដែលធ្លាប់រៀបចំព្រឹត្តិការណ៍ Asian Cup ម្តងរួចមកហើយកាលពីឆ្នាំ ២០០៤ បានសម្រេចបំណងរបស់ខ្លួនក្នុងការប៉ុនប៉ងធ្វើម្ចាស់ផ្ទះកីឡាតំបន់អាស៊ីជាលើកទី២សម្រាប់ឆ្នាំ២០២៣។ នេះគឺជាបំណងរបស់ប្រធានាធិបតីចិន ស៊ី ជីនភីង ដើម្បីត្រួសត្រាយផ្លូវសម្រាប់ឲ្យចិនអាចរៀបចំការប្រកួតកីឡាបាល់ទាត់ពិភពលោក World Cup ផង។
ដូច្នេះការរៀបចំព្រឹត្តិការណ៍ Asian Cup 2023 នឹងជួយចិនដើម្បីឆ្ពោះទៅកាន់ការដេញថ្លៃធ្វើម្ចាស់ផ្ទះ World Cup នាពេលខាងមុខដ៏ខ្លី។
ចិនបានឈានដល់វគ្គ១/៤ផ្តាច់ព្រ័ត្រនៃព្រឹត្តិការណ៍កីឡាប្រចាំទ្វីអាស៊ីឆ្នាំ២០១៩ ដែលអេមីរ៉ាតអារ៉ាប់រួមធ្វើម្ចាស់ផ្ទះកន្លងទៅ ក្រោយចាញ់អ៊ីរ៉ង់ ៣-០៕
© រក្សាសិទ្ធិដោយ thmeythmey.com