ជាតិ
រូបភាពក្រសួងការបរទេស និងសហប្រតិបត្តិការអន្តរជាតិ
×![]()
ដោយ: ឡាយ សុភាវតី
ឯកអគ្គរដ្ឋទូតស្វីសប្រចាំកម្ពុជា លោក Ivo Sirber បានអះអាងថា រដ្ឋាភិបាលរបស់លោក នៅតែគាំទ្រមន្ទីរពេទ្យគន្ធបុប្ផា ផ្នែកហិរញ្ញវត្ថុ។ ការអះអាងនេះ ធ្វើឡើងនៅពេល លោក Ivo Sirber ជួបជាមួយរដ្ឋមន្រី្តការបរទេសកម្ពុជា លោក ប្រាក់ សុខុន នៅថ្ងៃទី៥ ខែមិថុនា ឆ្នាំ២០១៩ ដើម្បីជម្រាបលា ក្នុងឱកាសដែលលោក ត្រូវបញ្ចប់បេសកកម្មការទូតនៅកម្ពុជា។
បើតាមការចេញផ្សាយក្រសួងព័ត៌មាន ក្នុងកិច្ចពិភាក្សានេះ លោក Ivo Sirber បានបង្ហាញជំហរថា ប្រទេសស្វីសនៅតែបន្តជួយដល់មន្ទីរពេទ្យគន្ធបុប្ផា ក្នុងរយៈពេល៤ឆ្នាំបន្តទៀត មានទំហំទឹកប្រាក់ប្រមាណ៤លានដុល្លារ (២០១៩-២០១៣)។ ការផ្តល់ហិរញ្ញវត្ថុនេះ មានទំហំប្រមាណ៤លានដុល្លារក្នុង១ឆ្នាំៗ។ លោក កេត សោផាន់ លើកឡើងថា ការគាំទ្ររបស់ប្រទេសស្វីសលើផ្នែកហិរញ្ញវត្ថុនេះ គឺជួយកាត់បន្ថយភាពក្រីក្រនៅកម្ពុជា។
លោក ប្រាក់ សុខុន បញ្ជាក់ថា «រដ្ឋាភិបាលកម្ពុជាមានគម្រោងវិភាគទាន១០លានដុល្លារ សម្រាប់ជួយពេទ្យគន្ធបុប្ផាក្នុង១ឆ្នាំ ហើយ៥លានដុល្លារ សម្រាប់មូលនិធិមន្ទីរពេទ្យ។ លើសពីនេះ កម្ពុជាមានផែនការដក២ដុល្លារ ក្នុងសំបុត្រមួយសន្លឹក ពីភ្ញៀវបរទេសចូលទស្សនាប្រាសាទអង្គវត្ត សម្រាប់ជួយដល់មន្ទីរពេទ្យ»។ នេះបើតាមការចុះផ្សាយរបស់ក្រសួងព័ត៌មានដដែល៕
Tag:
ប្រទេសស្វីស
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
