ជាតិ
សង្គមជាតិ
សម្តេចនាយក មិនជឿថា មានអង្ករសិប្បនិម្មិត
× សម្តេចនាយករដ្ឋមន្ត្រី ហ៊ុន សែន អះអាងថា គ្មានអ្នកណា អាចផលិតអង្ករសិប្បនិមិ្មតបានឡើយ។ សម្តេចនាយករដ្ឋមន្ត្រី មិនយល់ នៅពេល មានគេនិយាយថា មានការលួចលក់ដូរអង្ករសិប្បនិម្មិតនៅកន្លែងនេះឬកន្លែងនោះ។
ក្នុងពិធីចែកសញ្ញាបត្រដល់និស្សិតនៃសាកលវិទ្យាល័យពុទ្ធិសាស្ត្រ នាព្រឹកថ្ងៃទី៦ ខែមិថុនា ឆ្នាំ២០១៩ ប្រមុខរដ្ឋាភិបាល លើកឡើងដូច្នេះថា «ខ្ញុំ ចេះតែចោទសួរថា ចុះគ្រាន់តែផលិតអង្ករធម្មតា គឺថោកណាស់ទៅហើយ ចុះទៅផលិតអង្ករសិប្បនិម្មិត យកទៅលក់ដាច់យ៉ាងម៉េចកើត? ធ្វើទៅមិនរួចទេ។ អានេះ វា ជាសង្គ្រាមចិត្តមួយ»។
ប្រមុខរដ្ឋាភិបាល បន្តទៀតថា «រហូតដល់ពេលនេះ អាជ្ញាធររបស់យើង នៅចាញ់បោកគេទៅទៀត មិនចេះគិតពីការប្រៀបធៀបថ្លៃ។ ឥឡូវ យើង គ្រាន់តែដាំធម្មតា ថ្លៃស្រូវរបស់យើង មានការធ្លាក់ចុះទៅហើយ ចុះទម្រាំទៅធ្វើអង្ករសិប្បនិម្មិត? ដើម្បីបានអង្ករសិប្បនិម្មិត ត្រូវឆ្លងកាត់ចង្វាក់ឧស្សាហកម្ម សិប្បកម្ម ទើបអាចទៅរួច មិនមែនចេះតែយកទៅធ្វើឯណា»។
កន្លងមក ធ្លាប់មានប្រជាពលរដ្ឋខ្មែរមួយចំនួន បង្ហោះលើបណ្តាញសង្គមថា ពួកគេ ទិញចំអង្ករដែលលាយជាមួយផ្លាសស្ទិច៕
Tag:
ហ៊ុន សែន
សិប្បកម្ម
អង្ករ
© រក្សាសិទ្ធិដោយ thmeythmey.com