ក្រសួងបរិស្ថាន រៀបចំកម្មវិធីកម្សាន្តដ៏សម្បូរបែបសម្រាប់កុមារនៅថ្ងៃទី៨ មិថុនានេះ

ជាតិ

ក្រសួងបរិស្ថាន រៀបចំកម្មវិធីកម្សាន្តដ៏សម្បូរបែបសម្រាប់កុមារនៅថ្ងៃទី៨ មិថុនានេះ

08, Jun 2019 , 9:24 am

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ ដើម្បីចូលរួមអបអរទិវាកុមារអន្តរជាតិ ១មិថុនា ទិវាពិភពលោកប្រឆាំងពលកម្មកុមារ ១២មិថុនា និងទិវាកុមារកម្ពុជា ក្រសួងបរិស្ថាន សហការជាមួយសហភាពសហព័ន្ធយុវជនកម្ពុជារាជធានីភ្នំពេញ រៀបចំកម្មវិធីក្តីសុបិន នៅថ្ងៃទី០៨ ខែមិថុនានេះ នៅអគារខេមរានី ចាប់ពីម៉ោង៨ព្រឹក ដល់ម៉ោង៥ល្ងាច។

នាស្នាក់ការសហភាពសហព័ន្ធយុវជនកម្ពុជា រាជធានីភ្នំពេញ បានរៀបចំកម្មវិធីក្ដីសុបិន សម្រាប់កុមារស្វែងយល់ពីបរិស្ថាន និងចូលរួមកម្សាន្តសប្បាយជាមួយកម្មវិធីពិសេសជាច្រើន។ បើតាមក្រសួងបរិស្ថានកម្មវិធីក្ដីសុបិននេះ រៀបចំឡើង ដើម្បីលើកកម្ពស់ការអភិវឌ្ឍ និងការបណ្ដុះស្រឡាញ់បរិស្ថានដល់កុមារ។

រូបភាពពីក្រសួងបរិស្ថាន

ក្នុងកម្មវិធីក្ដីសុបិននេះ មានកម្មវិធីដូចជា ការប្រឡងប្រណាំងផាត់ពណ៌ និងការផ្គុំរូបភាព, ការទស្សនាការដាក់តាំងបង្ហាញសំណាកសត្វ និងវីដេអូ, ទស្សនាការដាក់តាំងបង្ហាញផ្ទាំងរូបភាពអប់រំ, ការសំដែងសិល្បៈ«ល្ខោនខោល», ការធ្វើម្ហូប, សកម្មភាពកីឡា, ការដើរបង្ហាញម៉ូតសម្លៀកបំពាក់ និងការប្រគំតន្ត្រីនិងចម្រៀងកុមារ។ តាមរយៈកម្មវិធីសាធារណជន នឹងបានស្វែងយល់ពីបញ្ហាបរិស្ថាន ព្រមទាំងចែករំលែកនូវភាពសប្បាយរីករាយ បង្កើនទំនាក់ទំនង និងចំណងសាមគ្គីភាពរវាងបុគ្គលផងដែរ៕