កាំកុងត្រូល រកមិនឃើញផលិតផល«នំបញ្ចុក»ដែលមានបញ្ហាឡើយ

ជាតិ

កាំកុងត្រូល រកមិនឃើញផលិតផល«នំបញ្ចុក»ដែលមានបញ្ហាឡើយ

08, Jun 2019 , 4:29 pm

រូបភាព

រូបភាពពីហ្វេសប៊ុកអគ្គនាយកដ្ឋានកាំកុងត្រូល

ដោយ: ឡាយ សុភាវតី

រយៈពេល២ថ្ងៃ គឺនៅថ្ងៃទី៧ និងទី៨ ខែមិថុនា អគ្គនាយកដ្ឋានកាំកុងត្រូល រកឃើញទំនិញប្រើសារធាតុគីមី និងម្ហូបអាហារហួសកាលបរិច្ឆេទ ប្រមាណ១តោន ប៉ុន្តែរកមិនឃើញផលិតផល«នំបញ្ចុក»ដែលមានបញ្ហាឡើយ។ លោក ឃួន សាវុធ អគ្គនាយករង នៃអគ្គនាយកដ្ឋានកាំកុងត្រូកល បានប្រាប់សារព័ត៌មានថ្មីៗ (Thmey Thmey) តាមទូរស័ព្ទថា ភាគច្រើនទំនិញដែលរកឃើញថាមានបញ្ហានោះ ជាអាហារវេចខ្ចប់ និងភេសជ្ជៈកំប៉ុង។

លោក ឃួន សាវុធ បញ្ជាក់ដូច្នេះ៖«យើងរកឃើមានជាង១តោន ហើយភាគច្រើនជាទំនិញអាហារវចខ្ចប់ភេសជ្ជៈកំប៉ុង។ ក្រៅពីនេះ មានបន្លែប្រមាណជាង១៥គីឡូក្រាម ដែលមានសារធាតុរក្សាទុកឲ្យបានយូរ ហើយចំពោះនំបញ្ចុកគឺពុំបានរកឃើញអ្វីខុសប្រក្រតីនោះទេ»។

សូមបញ្ជាក់ថា តាំងពីថ្ងៃទី៧ ខែមិថុនា មន្រី្តកាំកុងត្រូលរាជធានីខេត្ត បានបើកយុទ្ធនាចុះពិ និត្យនំបញ្ចុក បន្លែល្បោយ និងទំនិញហួសកាលបរិច្ឆេទប្រើប្រាស់ ដើម្បីការពារសុវត្ថិភាពប្រជាពលរដ្ឋ ក្នុងថ្ងៃទី៩ នៃការហូបនំបញ្ចុក ហើយទប់ស្កាត់ការចរាចរណ៍ទំនិញខូចគុណភាព ក្លែងបន្លំស្លាកសញ្ញា និងមានសារធាតុគីមីហាមឃាត់៕