សមត្ថកិច្ចកំពុងតាមចាប់ម្ចាស់ក្លិប«លុច្សសារី»សង្ស័យជាជនជាតិវៀតណាម

ជាតិ

សង្គមជាតិ

សមត្ថកិច្ចកំពុងតាមចាប់ម្ចាស់ក្លិប«លុច្សសារី»សង្ស័យជាជនជាតិវៀតណាម

09, Jun 2019 , 1:59 pm

រូបភាព

ដោយ: សែម វណ្ណា (Sem Vanna)

ភ្នំពេញ៖ ប្រតិបត្តិការឆែកឆេរគ្រឿងញៀននៅក្លិបកម្សាន្ត «លុច្សសារី» កាលពីយប់ថ្ងៃទី៨ ខែមិថុនា ឆ្នាំ២០១៩ បានឃាត់ខ្លួនអ្នកកម្សាន្តចំនួន ៤១៧នាក់ (ស្រី១៨៧នាក់) ក្នុងនោះ ភាគច្រើនជាជនជាតិ ចិន វៀតណាម និងខ្មែរ។ កម្លាំងសមត្ថកិច្ចកំពុងតាមចាប់ម្ចាស់ក្លិបកម្សាន្ត លុច្សសារី ជាជនជាតិ វៀតណាម ដើម្បីមកស៊ើបសួរ និងផ្ដន្ទាទោសតាមច្បាប់។ នេះបើតាមលោក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញ បានប្រាប់សារព័ត៌មាន ថ្មីៗតាមទូរស័ព្ទ។

លោកបានបន្ថែមថា សមត្ថកិច្ចមិនទាន់កំណត់ចំនួនគ្រឿងញៀនបាននៅឡើយទេ ហើយក៏មិនទាន់ដឹងចំនួនអ្នកញៀនថ្នាំពិតនោះដែរ។ ប៉ុន្តែសមត្ថកិច្ចកំពុងបន្តធ្វើតេស្តសារធាតុ ញៀន អ្នកដែលបានឃាត់ខ្លួន បានចំនួនជាង ២០០នាក់ និងកំពុងបន្តធ្វើតេស្តសារធាតុញៀន។

សូមបញ្ជាក់ថា នេះមិនមែនជាលើកទី១ឡើយ ដែលសមត្ថកិច្ចបានរកឃើញគ្រឿងញៀន នៅក្នុងក្លិបកម្សាន្ត។ កាលពីថ្ងៃទី២៣ កុម្ភៈ ឆ្នាំ២០១៩ កម្លាំងសមត្ថកិច្ចក្រោមការដឹកនាំផ្ទាល់ របស់លោក ស ថេត បានបិទក្លិប Rock ក្រោយមកឃើញគ្រឿងញៀនដល់ទៅជាង៥០ គីឡូក្រាម និងចាប់បានអ្នកជួញដូរនិងអ្នកសេពគ្រឿងញៀនជាង៣០០នាក់៕